Hans Saakvitne
Hans Larsson Saakvitne (3. juli 1839–9. november 1910) var ein norsk lærar, gardbrukar, lensmann og stortingsmann for Venstre frå Granvin.
| Hans Saakvitne | |||
| Fødd | 3. juli 1839 Granvin herad | ||
|---|---|---|---|
| Død | 9. november 1910 (71 år) | ||
| Statsborgar av | Noreg | ||
| Parti | Venstre | ||
| Yrke | politikar, bonde | ||
| Alle verv |
| ||
Saakvitne var son av ein gardbrukar. Etter eit kort opphald på Voss lærarskule, var han frå 1859 til 1866 lærar, og frå 1863 til -67 gardbrukar på farsgarden. Frå 1867 til 1892 var han gardbrukar på Nesheim i Granvin. Såkvitne var lensmann i Vossestrand 1892-1901, budde då på Oppheim i Vossestrand. 1901-10 var han lensmann i Ulvik, flytta då til Skeie i Ulvik og busette seg der.
Saakvitne var ordførar i Ulvik 1876-88 og 1890-91. Deretter ordførar i Granvin 1891-92, etter Ulvik-heradet var delt i tre nye herad. Han var forlikskommissær 1871-92, formann i amtsskattekommisjonen 1892-94 og formann i skulestyret.
Saakvitne var stortingsmann for Søndre Bergenhus amt 1883-88 og 1898-1900 og for Hardanger krins 1906-09. Han var 1. varamann for perioden 1880-82 og møtte på Stortinget fyrste gongen i 1880 frå den 9. april, som medlem av næringskomite nr 1. Perioden 1883-85 var han medlem av næringskomite nr 2, 1886-88 av Lagtinget og justiskomite nr 1. Under åra 1898-1900 var han sekretær i Lagtinget og medlem av konstitusjonskomiteen og den militære straffelovskomiteen, 1899-sesjonen var han og med i valkomiteen. I si siste periode på Stortinget, 1906-09, var han medlem av Lagtinget og 1906-07 av sosialkomiteen, samt 1908-09 av konstitusjonskomiteen. Saakvitne var medlem av sivilprosesskommisjonen av 1908.
Han døydde på Skeie i Ulvik i 1910.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Hans Saakvitne NSD Norsk senter for forskningsdatas politikararkiv