Hans Tostrup
Hans Tostrup (20. oktober 1799–27. januar 1856) var ein norsk embetsmann og politikar, fødd i Hjelmeland. Forretningsmannen Christopher Tostrup og gullsmeden Jacob Tostrup var hans yngre brør.
| Hans Tostrup | |
| Statsborgarskap | Noreg |
| Fødd | 20. oktober 1799 |
| Død |
27. januar 1856 (56 år) |
| Yrke | politikar |
| Språk | norsk |
Torstrup var son til ein infanterikaptein og byrja sjølv som landkadett. Grunna svakt syn gav han opp det militære. Etter å ha arbeidd ei tid på kontoret til sorenskrivaren i Ryfylke var han kopist i Kyrkjedepartementet frå 1825, frå 1829 fullmektig i same. Han vart cand.jur. i 1830 og var 1832-36 tilsett som sekretær ved universitetet i Christiania. Dei neste sju åra hadde han stilling ved Fredriksvern verft. År 1843 vart han konstituert til amtmann i Jarlsberg og Larviks amt. Frå 1844 til 1852 var han amtmann i Nordre Bergenhus og så 1852-54 amtmann i Kristians amt.
I 1848 var Tostrup 3. representant for Nordre Bergenhus amt på Stortinget. På tinget var han sekretær i gasjekomiteen og formann i den særleg oppnemnde justiskomite nr 3.
Tostrup tok avskjed som amtmann i 1854 og busette seg i hovudstaden. Der døydde han nesten blind, knapt to år etter han fekk avskjed i nåde.
Kjelder
endre- Lindstøl, Tallak:Stortinget og Statsraadet 1814-1914. Kristiania, 1914