Helge Fiskaa

norsk arkitekt og professor

Helge Fiskaa (fødd 26. august 1942 på Byglandsfjord, død 6. september 2023 i Trondheim[1]) var ein norsk sivilarkitekt og planleggar. Han var frå 2012 professor emeritus ved Noregs teknisk-naturvitskaplege universitet (NTNU).

Helge Fiskaa
Statsborgarskap Noreg
Fødd 26. august 1942
Byglandsfjord, Aust-Agder fylke
Død

6. september 2023 (81 år)
Trondheim

Yrke arkitekt, professor
Fiskaa (t.v.) med studentar
Foto: Sverre Flack

Fiskaa blei uteksaminert ved NTH i 1966. Sidan var han tilsett ved Arkitektavdelinga på NTH, seinare Fakultet for arkitektur og biletkunst ved NTNU. I 2002 tok han doktorgrad i emnet fysisk-økonomisk planlegging, og han blei i 2006 utnemnd til professor ved Institutt for byforming og planlegging, der han òg var instituttleiar i fleire periodar fram til 2002. I si tid ved instituttet skreiv fleire lærebøker i fysisk planlegging og artiklar om planlegging.

Det var Fiskaa som i 2003 tok initiativ til eit nytt to-årig masterstudium i fysisk planlegging. Programmet kom i gang i 2005, og han var programkoordinator fram til 2012.

Fiskaa var politisk engasjert, både innan lokalpolitikken og i høve til sitt eige fag. Han var mellom anna leiar av Arkitektenes Fagforbund (AFAG) i åra 1989–1998. Interessa for planlegging og byutvikling førte til mange innlegg i avisene; til formidling av kunnskap om planlegging gjennom Wikipedia og til deltaking i byplankonkurransar. I 1986 fekk han, saman med kollega Sverre Nistov, 3. premie i ein idekonkurranse om planlegging av ein ny bydel i Steinkjer.

Bibliografi (utval) endre

Bakgrunnsstoff endre


  1. «Dødsannonser», adressa.no (på norsk), henta 14. september 2023