Helgelendingen
Helgelendingen – fram til 2014 Helgeland Arbeiderblad – er ei avis i A-pressekonsernet. Avisa vert utgjeven i Mosjøen i Nordland. Ho inngår saman med Rana Blad og TV Nordland i Mediehuset Helgeland.
Dekningsområdet til avisa er Midt- og Sør-Helgeland, med Mosjøen, Sandnessjøen og Brønnøysund som dei største stadene.
Amedia eig avisa. Redaktør er Petter Stocke-Nicolaisen.
Opplagstal
endreUtvikling i nettoopplag.[1]
| År | Nettoopplag
|
|---|---|
| 2014 | 7 828 |
Stadfesta netto opplagstal frå Mediebedriftenes Landsforening:
- 2006: 9 402
- 2007: 9 225
- 2008: 8 939
- 2009: 8 743
- 2010: 8 573
- 2011: 8 461
- 2012: 8 352
- 2013: 8 096
Historie
endreAvisa kom ut første gong 31. oktober 1929 under namnet Vefsna Arbeiderblad som organ for Det norske arbeiderparti. Frå august 1930 kom Helgeland Arbeiderblad ut i Sandnessjøen. Desse to avisene vart snart slegne saman, og frå 10. april 1931 kom ho ut under namnet Helgeland Arbeiderblad, hvori opptatt Vefsna Arbeiderblad - med redaktøren frå Vefsna Arbeiderblad, men med Sandnessjøen som utgjevarstad. Allereie i november 1931 vart redaksjonen flytta til Mosjøen.
Den første tida, frå 1929 til 1934 var formannen i Mosjøen arbeiderparti, Halfdan Moe Jacobsen, redaktør for avisa. Under andre verdskrigen vart redaktør Skogsaas arrestert, og tyskarane kverrsette produksjonsutstyret for å gje ut naziavisa Helgeland Folkeblad. Den første tida etter frigjeringa kom avisa saman med andre Mosjøaviser ut under namnet Mosjø- pressen.
I oktober 2014 skifta avisa namn til Helgelendingen.
Helgelendingen
endre- Namnet Helgelendingen er også brukt om medlemsbladet til Helgeland Historielag, utgitt sidan 1982.[2]
Kjelder
endre- ↑ Mediebedriftenes Landsforening Opplag- og lesartal. Nettoopplaget er eit mål for betalt opplag.
- ↑ Helgeland historielag om Helgelendingen, arkivert frå originalen 6. oktober 2014, henta 1. oktober 2014
- Kjell Jacobsen (1977): «Fra århundreskiftet til frigjøringsvåren», i Vefsn bygdebok b. III
