Henrik Rogert

Henrik Rogert (12. januar 1756–27. juni 1838) var ein norsk offiser og stortingsmann.

Henrik Rogert
Statsborgarskap	Noreg
Fødd	12. januar 1756 Trondheim
Død	27. juni 1838 (82 år) Rennebu kommune
Yrke	politikar
Språk	norsk

Rogert var fødd i Trondheim. Han vart offiser i 1776, steig i gradene til han 1814 vart utnemnd til oberstløytnant for 2. trondhjemske infanteriregiment. Frå 1818 fekk han vartpengar.

Til det ordentlege stortinget 1815-16 vart han vald til 3. representant frå Søndre Trondhjems amt. På tinget var han medlem av åtte komitear. Mellom anna var han medlem av komiteen som forhandla om finans-, skatte-, bank- og pengevesen, og komiteen om den geografiske oppmålinga.

Rogert var tildelt borgardådsmedaljen i sølv.

Han døydde i Rennebu, der han hadde budd sidan slutten av 1700-talet. Andreas Rogert var bror hans.

Kjelder

• Tallak Lindstøl: Stortinget og Statsraadet 1814-1914, Kristiania, 1914, samt tillæg. B. 1 D. 2 : Biografier L-Ø samt tillæg digital utgåve side 720
• Biografisk informasjon om Henrik Rogert NSD Norsk senter for forskningsdatas politikararkiv