Herb Reed

amerikansk songar

Herbert «Herb» Reed (7. august 19284. juni 2012) var ein USA-amerikansk musikar, vokalist og med på å starte bandet The Platters, som hadde stor suksess i 1950- og 1960-åra. Reed, som var det siste overlevande, originale medlemmet av gruppa, har fått æra for å ha kome på namnet på gruppa.[1] Reed kom på namnet etter at ein radiopratar i 1950-åra kalla platene deira «platters».[2]

Herb Reed

Fødd7. august 1928
FødestadKansas City i Missouri
Død4. juni 2012 (83 år)
DødsstadBoston
OpphavUSA
Sjangerdoo-wop
Instrumentvokal
Stemmetypebassrøyst
PlateselskapFederal
Verka somsongar

Reed voks opp i fattigdom i Kansas City i Missouri, og flytta til Los Angeles då han var 15 år gammal.[1] Han flytta til Boston-området i 1970-åra, etter suksessen med The Platters.[2] Han var det einaste medlemmet i The Platters som song på alle dei kring 400 songane bandet spelte inn.[2] Ein kan høyre vokalen hans på dei største hittane til The Platters, som «Smoke Gets in Your Eyes», «The Great Pretender», «Twilight Time» og «My Prayer».[2]

Som det siste originale medlemmet i The Platters, kjempa Reed ein lang rettskamp om rettane til namnet The Platters, ein kamp han til slutt vann.[1]

Reed turnerte gjennom heile karrieren, og han framførte så mykje som 200 konsertar i året fram til 2012, då han måtte stoppe på grunn av helsa.[2] Han døydde av komplikasjonar frå fleire sjukdommar, mellom anna svakt hjarte, på ein pleieheim i Boston den 4. juni 2012, 83 år gammal.[1][2]

Kjelder endre

  1. 1,0 1,1 1,2 1,3 «Herb Reed of vocal group – The Platters dead at 83». Reuters. 13. februar 2018. Arkivert frå originalen 6. juni 2012. Henta 13. februar 2018. 
  2. 2,0 2,1 2,2 2,3 2,4 2,5 «Platters founder Herb Reed dies at 83». Associated Press (Boston.com). Henta 13. februar 2018.