Homelite Corporation
Homelite Corporation er eit føretak som produserer motorsager, graslypparar, lauvblåsarar og liknande hagebruksreiskapar.
| Homelite Corporation | |||
 | |||
| Org.form | Selskap | ||
|---|---|---|---|
| Morselskap | Techtronic Industries | ||
| Nettstad | http://www.homelite.com/ | ||
Soge
endreI 1921 stifta Charles H. Ferguson føretaket Home Electric Lighting Company i Port Chester i Connecticut i USA, for å produsera elaggregat[1]. Namnet på føretaket vart seinare forkorta til Homelite Corporation, og produkta vert selde under varemerket Homelite. Elaggregata var nytta på gardsbruk som ikkje hadde tilgang til elnettet.
I 1949 tok føretaket til å produsera motorsager. Den fyrste saga vart kalla 20MCS og hadde ein masse på 13.6 kg[1], noko som var svært lite på denne tida. I 1951 kom det ein forbetra modell, 26LCS. Denne modellen var populær og salet gjekk bra. I 1953 kom 5-30, som nytta magnesiumdelar for å redusera massen, og som hadde membranforgassar.
I 1955 vart føretaket selt til Textron Inc.m som held fram med motorsagproduksjonen. I 1956 kom EZ, som hadde direktedrift av kjeda. Tidleg på 1960-talet kom det fleire modellar med horisontal sylinder. Homelite var i sal i Noreg og oppnådde på 1960-talet ein viss popularitet på grunn av den låge massen. I 1964 vart Homelite seld til John Deere, som held fram med produksjonen av små motorsager[1]. I dag er Homelite eigd av det kinesiske føretaket Techtronic Industries, som held til i Hong Kong, og produserer motorsager for hobbymarknaden og andre hagereiskapar.