Humboldt-Universität zu Berlin
Humboldt-universitetet i Berlin er det eldste universitetet i Berlin. Det vart grunnlagt 16. august 1809 etter opptak frå den liberale prøyssiske utdanningsreformatoren og språkvitaren Wilhelm von Humboldt, og byrja verksemda i 1810.
| Humboldt-Universität zu Berlin | |||
 | |||
 | |||
| Motto | Universitas litterarum | ||
|---|---|---|---|
| Grunnlagt | 16. august 1809 | ||
| Rektor | Eugen Fischer, Hermann Dersch, Walther Neye, Werner Hartke, Heinrich Fink, Marlis Dürkop-Leptihn, Hans Meyer, Jürgen Mlynek, Christoph Markschies, Jan-Hendrik Olbertz, Sabine Kunst, Peter Frensch | ||
| Stad | Berlin | ||
| Studentar | 36 232 (2022) | ||
| Tilsette | 7 088 (2022) | ||
| Medlemskap | Deutsches Forschungsnetz, arXiv, ORCID | ||
| Nettstad | https://www.hu-berlin.de/ (tysk, engelsk), http://hu-berlin.de | ||
 Humboldt-Universität zu Berlin 52°31′05″N 13°23′36″E / 52.518055555556°N 13.393333333333°E | |||
Mange av dei største tenkjarane i Tyskland har undervist på universitetet, mellom anna filosofane Johann Gottlieb Fichte og Friedrich Schelling, teologen Friedrich Schleiermacher, filosofen Georg W. F. Hegel, rettsteoretikaren Friedrich Carl von Savigny, filosofen Arthur Schopenhauer og fysikarane Albert Einstein og Max Planck. Universitetet vart òg vitja av grunnleggjarane av den marxistiske teorien Karl Marx og Friedrich Engels. (Den ellevte Feuerbachtesen til Karl Marx pryder i dag den verna inngangshallen: «Filosofane har til i dag berre tolka verda ulikt, men det det kjem an på er å forandre ho.») Andre kjende personar som har studert der er diktaren Heinrich Heine, den seinare rikskanslaren Otto von Bismarck og den tyskfødde franske politikaren Robert Schumann, som var utanriksminister i Frankrike og president for Europaparlamentet. Totalt 29 nobelprisvinnarar har studert ved universitetet.
Hovudbygningen ligg i sentrum av Berlin, i paradegata Unter den Linden. Dei fleste institutta ligg i nærleiken av hovudbygningen, men bygningane for naturvitskap ligg ved Adlershof, sør i Berlin.
