Huwara

Huwara (arabisk حُوّاره, ḥuwwarah, hebraisk skrift חווארה) er ein palestinsk by som ligg i Nablus guvernement nord på Vestbreidda, 9 km sør for Nablus og dannar ein enklave mellom fire israelske busetjingar. Han ligg kring 7 km frå Jakob-brunnen. Eit av dei viktigaste kontrollpunkta til Israel låg i byen, Huwwara kontrollpunkt, for å kontrollere tilkomst til den nærliggande byen Nablus. I 2011 valde det israelske forsvaret å legge ned kontrollpunktet og trafikken mellom Nablus og Ramallah vart enklare. I følgje Palestinsk statistisk sentralbyrå hadde byen eit folketal på 5 800 i 2006.

Huwara
حُوّاره, Howwarah
kommune
Huwara kontrollpunkt
Namneopphav: Kvit mergel
Land	Dei palestinske territoria
Guvernement	Nablus guvernement
Koordinatar	32°09′09″N 35°15′24″E
Folketal	5 570  (2007)
Huwara 32.1525°N 35.256666666667°E / 32.1525; 35.256666666667
Kart som viser Huwara. Kart som viser Huwara.
Wikimedia Commons: Huwwara, Palestine

Den første grunnskulen vart grunnlagd i 1947, og omgjort til ein vidaregåande skule i 1962.

Historie

Huwara er ein eldgammal stad og ein har funne cisterner og graver hogde ut i berget, i tillegg til restar av søyler.

På 1100- og 1200-talet var Hawara busett av muslimar.

Osmansk tid

Landsbyen vart ein del av Det osmanske riket i 1517 i lag med resten av Palestina, og i 1596 stod han oppført i skattelister som ein del av Jabal Qubal nahiya i Nablus liwa. Han hadde eit folketal på 87 hushaldningar, alle muslimar. Landsbybuarane betalte skatt for kveite, bygg, sommaravlingar, oliven, geiter og/eller bikubar, og ei presse for oliven eller druer.

I 1853 var Huwara delaktig i eit slag med nabolandsbyane Quza og Beita, og ti menn og sju kvinner mista livet.

Den franske oppdagaren Victor Guérin vitja landsbyen i 1870. Han estimerte at landsbyen (som han kalla Haouarah) hadde kring 800 innbyggjarar, og at han var delt i to distrikt, kvar styrt av ein sjeik. Ein wali var tileigna Abou en-Nebyh Sahin.

I 1882 skildra Palestine Exploration Fund i Survey of Western Palestine Huwarah som ein landsby «i stein og leire ved foten av Gerizim, like ved hovudvegen. Han ser gammal ut og dekkjer eit stort område».

Det britiske mandatet

I ei folketeljing i 1922 utført av Dei britiske mandatstyresmaktene hadde Huwara eit folketal på 921, alle muslimar, og dette auka noko i folketeljinga i 1931, der Huwara (i lag med den mindre staden Bir Quza) hadde 240 busette hus og eit folketal på 955, framleis alle muslimar.

I 1945 hadde Huwwara eit folketal på 1 300, alle arabarar, med 7 982 mål land, i følgje ei offisiell landmåling. Av dette var 607 mål var plantasjar og irrigert land, 4 858 nytta for korn, medan 129 mål vart utbygd land.

Israel-Palestina-konflikten

Huwara har vore utsett for hemnaksjonar i form av tilfeldige valdshandlingar frå israelske jødiske busetjarar. I april 2010 brende busetjarane tre palestinske køyretøy i Huwara, medan busetjarar under ein hemnaksjon den 27. februar 2011 for evakueringa av Havat Gilad kasta brannbomber inn i eit hus i landsbyen. I mars 2012 vart Davidsstjerna spraya på moskeen i landsbyen.

Kjelder

• Denne artikkelen bygger på «Huwara» frå Wikipedia på engelsk, den 24. september 2015.
  • Wikipedia på engelsk oppgav desse kjeldene:
• Avneri, Arieh L. (1984). The Claim of Dispossession: Jewish Land-settlement and the Arabs, 1878-1948. Transaction Publishers. ISBN 0-87855-964-7. 
• Barron, J. B., red. (1923). Palestine: Report and General Abstracts of the Census of 1922. Government of Palestine. 
• Conder, Claude Reignier; Kitchener, Herbert H. (1882). The Survey of Western Palestine: Memoirs of the Topography, Orography, Hydrography, and Archeology 2. London: Committee of the Palestine Exploration Fund. 
• Ellenblum, Ronnie (2003), Frankish Rural Settlement in the Latin kingdom of Jerusalem, Cambridge University Press, ISBN 0521521874 
• Finn, James (1878). Elizabeth Anne Finn, red. Stirring Times: Or Records from Jerusalem Consular Chronicles of 1853 to 1856. 1. London. 
• Guérin, Victor (1874). Description Géographique Historique et Archéologique de la Palestine (på fransk). 2: Samarie, pt. 1. Paris: L'Imprimerie Nationale. 
• Guérin, Victor (1875). Description Géographique Historique et Archéologique de la Palestine (på fransk). 2: Samarie, pt. 2. Paris: L'Imprimerie Nationale. 
• Hadawi, Sami (1970), Village Statistics of 1945: A Classification of Land and Area ownership in Palestine, Palestinsk frigjeringsorganisasjon forskingssentral 
• Hütteroth, Wolf-Dieter; Abdulfattah, Kamal (1977). Historical Geography of Palestine, Transjordan and South Syria in the Late 16th Century. Erlanger Geographische Arbeiten, Sonderband 5. Erlangen, Tyskland: Vorstand der Fränkischen Geographischen Gesellschaft. ISBN 3-920405-41-2. 
• Mills, E., red. (1932). Census of Palestine 1931. Population of Villages, Towns and Administrative Areas (PDF). Jerusalem: Government of Palestine. 
• Palmer, E. H. (1881). The Survey of Western Palestine: Arabic and English Name Lists Collected During the Survey by Lieutenants Conder og Kitchener, R. E. Transliterated and Explained by E.H. Palmer. Committee of the Palestine Exploration Fund. 
• Robinson, Edward; Smith, Eli (1841). Biblical Researches in Palestine, Mount Sinai and Arabia Petraea: A Journal of Travels in the year 1838 3. Boston: Crocker & Brewster. 
• Schölch, Alexander (1993). Palestina in Transformation, 1856-1882: Studies in Social, Economic, and Political Development. Institute for Palestine Studies. ISBN 0-88728-234-2. 

Bakgrunnsstoff

• Howwarah kommune
• Velkomen til Huwwara