Den internasjonale astronomiske unionen

Den internasjonale unionen (International Astronomical Union, IAU) foreiner dei nasjonale astronomiforeiningane frå heile verda. Han er medlem i Det internasjonale forskingsrådet (ICSU). IAU er den einaste autoriteten for namngjeving av stjerner, planetar, asteroidar og andre himmellekamar og -fenomen.

Den internasjonale astronomiske unionen
Type	ikkje-statleg organisasjon
Skipa	28. juli 1919 (1919-07-28)
Hovudkontor	Paris
Leiar	Debra Elmegreen
Verkeområde	jorda
Medlemmer	79 nasjonale medlemmer 12 664 individuelle medlemmer
Nettstad	http://www.iau.org/

Arbeidsgrupper internt er mellom anna Arbeidsgruppa for namngjevingar i planetsystem (WGPSN), som styrar namnekonvensjonane til IAU for lekamar av planetstorleik.

IAU er au ansvarleg for systemet med Astronomiske telegram, sjølv om han ikkje driv det.

IAU blei danna i 1919, som ei samanslutning av diverse nasjonale prosjekt. Desse prosjekta var til dømes Carte du Ciel, Solunionen og Det internasjonale tidsbyrået (Bureau International de l'Heure). Den fyrste leiaren var Benjamin Baillaud. Noreg har vore medlem sidan 1922.

IAU har per i dag 9040 individuelle medlemer, det vil seie profesjonelle astronomar (hovudsakleg) på doktorgradsnivå og 63 nasjonale medlemer (med andre ord land som er tilknytte IAU). 87 % av medlemene er mannlege, 13% kvinnelege. Den norske astronomen Oddbjørn Engvold var generalsekretær i IAU i perioden 2003–2006.

Bakgrunnsstoff

Commons har multimedium som gjeld: Den internasjonale astronomiske unionen

• Offisiell nettstad
• XXVIth General Assembly 2006 Arkivert 2003-04-10 ved Wayback Machine.
• XXVIIth General Assembly 2009 Arkivert 2007-08-17 ved Wayback Machine.
• XXVIIIth General Assembly 2012 Arkivert 2019-05-28 ved Wayback Machine.
• XXIXth General Assembly 2015 Arkivert 2016-10-25 ved Wayback Machine.