Idriss Carlos Kameni
Idriss Carlos Kameni (fødd 18. februar 1984 i Douala) er ein kamerunsk fotballspelar som spelar som keeper for Espanyol i den spanske fotballigaen, og for det kamerunske landslaget.
 | |||
| Personleg informasjon | |||
|---|---|---|---|
| Fullt namn | Idriss Carlos Kameni | ||
| Fødd | 18. februar 1984 | ||
| Fødestad | Douala | ||
| Høgd | 186 cm | ||
| Posisjon | Keeper | ||
| Klubbinformasjon | |||
Noverande lag | Espanyol | ||
| Nummer | 1 | ||
| Ungdomsklubbar | |||
 Kadji Sports | |||
| Seniorkarriere* | |||
| År | Lag | Kampar (Mål) | |
| 2000-04 2002-03 2004- |
 Le Havre Saint-Étienne (lån) Espanyol |
3 (0) 0 (0) 179 (0) | |
| Landslag | |||
| 2001- |
Kamerun | 54 (1) | |
|
* Seniorklubbkampar og mål berre telt for nasjonal liga og oppdatert 11. mars 2010 ‡ Landslagsmål oppdatert 3. august 2008 | |||
Klubbkarriere
endreKameni fekk gjennombrotet sitt då han som 16-åring vart den yngste fotballspelaren nokonsinne som vann gullmedalje i OL for Kamerun i 2000.[1] Etter dette vart han kjøpt av den franske klubben Le Havre. Han klarde ikkje å oppnå ein fast plass på laget i Le Havre, og heller ikkje i Saint-Étienne då han var på utlån der. I 2003 gjekk han nesten på lån til den engelske Premier League-klubben Wolverhampton Wanderers for ein sesong, men avtalen fall gjennom, då Kameni ikkje fekk arbeidsløyve i Storbritannia.[2]
20 år gammal gjekk Kameni til den spanske klubben Espanyol i Barcelona i juli 2004, for 600 000 dollar.[3] I 2005/06-sesongen spelte han Espanyol sine kampar i den spanske cupen, som Espanyol vann. I 2006/07-sesongen vart han Espanyol sin førstekeeper i serien. I 2008/09-sesongen, då Espanyol lenge stod i fare for nedrykk, var Kameni utsett for to episodar: Først var han nær ved å komma i handgemeng med ein tilhengjar som hadde fornærma han etter ei trening.[4] Deretter hamna han i slagsmål med lagkameraten Grégory Béranger etter trening i mai.[5] Han spelte 37 av dei 38 ligakampane i sesongen, som enda med at Espanyol redda plassen i 1. divisjon.
Landslagskarriere
endreKameni fekk landslagsdebuten sin allereie som 17-åring. Han var med i Kamerun sin tropp til Afrikameisterskapen i 2002, 2004, 2006 og 2008, og spelte i alle utanom den første. I 2002 var Kameni med i Kamerun sin tropp til fotball-VM, som 18-åring, men utan å spela nokon kampar.
I 2006/07-sesongen vart han kåra til beste afrikanske keeper, etter å ha kome på andreplass i denne kåringa året før.,[6]
Anna
endreKameni sin storebror, Mathurin, er også fotballkeeper og landslagsspelar for Kamerun.
Fotnotar
endre- ↑ «Squad profiles, Cameroon: Idriss Kameni». BBC Sport. 20. mai 2002.
- ↑ «Wolves wait on Kameni verdict». BBC Sport. 21. august 2003.
- ↑ «Espanyol sign Kameni». BBC Sport. 28. juli 2004.
- ↑ Kameni se encara con un aficionado después del entrenamiento (Kameni confronts fan after training); Diario Marca, 5. januar 2009 på spansk
- ↑ Incidente entre Béranger y Kameni (Incident between Béranger and Kameni) Arkivert 2009-05-18 ved Wayback Machine.; El Espanyol, 16. mai 2009 på spansk
- ↑ «Who is Who in the Lions Den». The Post Online. 7. januar 2008.
-
- Denne artikkelen begynte med ei omsetjing frå engelsk wikipedia 13. mars 2010.