Igor Netto

Igor Aleksandrovitsj Netto (9. januar 1930–30. mars 1999) var ein russisk fotballspelar, fødd og død i Moskva. Han vart olympisk meister 1956 og europameister 1960 med Sovjetunionen.

Igor Netto
Verkeleg namn	Игорь Алексарович Нетто, Igor Aleksandrovitj Netto
Statsborgarskap	Sovjetunionen, Russland
Fødd	9. januar 1930 Moskva
Død	30. mars 1999 (69 år) Moskva
Idrett	fotball, ishockey
Tok del i	VM i fotball 1962, VM i fotball 1958, Sommar-OL 1956, Sommar-OL 1952, EM i fotball 1960
Utmerkingar	Leninordenen, Venskapsordenen, Idrettens mester i Sovjetunionen, Honoured coach of the RSFSR

Karriere

Igor Netto til venstre, saman med Sergej Salnikov og Lev Jasjin i 1958

Klubbspel

Netto var ein spelar som både vart nytta i forsvaret og på midtbana. Han spelte på Spartak Moskva i tida 1949-1966. I denne perioden var han med å vinne fem seriegull og tre cupfinalar.

Landslagsspel

Netto fekk sin landslagdebut i finske Kotka under dei olympiske sommarleikane 1952. Frå og med 1954 og sin fjerde landskamp var han fast landslagskaptein. Hausten 1956 leidde han laget til olympiske gullmedaljar under Sommar-OL 1956 i Melbourne. I finalen 8. desember vann Sovjetunionen med 1-0 over Jugoslavia. Han deltok i fotball-VM 1958, men spelte berre kampen mot Brasil. Den 10. juli 1960 møttest Jugoslavia og Sovjet til ein ny meisterskapsfinale, den aller fyrste finalen i ein europameisterskap i fotball. Finalen i Paris vart avgjort då Sovjet gjekk opp i 2-1 etter 113 minuttars spel, slik at Netto få minuttar seinare kunne heve den nye EM-pokalen. I 1962 spelte han alle Sovjets kampar under VM i fotball 1962, i ein meisterskap laget rauk ut mot arrangørlandet Chile i kvartfinalane. Medrekna ein hengekamp våren 1965 spelte Netto 54 landskampar for Sovjetunionen og skåra fire mål.

Merittar

• Olympiameister: 1956 med Sovjetunionen
• Europameister: 1960 med Sovjetunionen
• Sovjetisk seriemeister: 1952, 1953, 1956, 1958 og 1962 med Spartak Moskva
• Sovjetisk cupmeister: 1950, 1958 og 1963 med Spartak Moskva

Kjelder

• Denne artikkelen bygger på «Igor Netto» frå Wikipedia på engelsk, den 14. juni 2017.