Ingeborg Heldal
Ingeborg Heldal (fødd 15. mai 1973) er ein norsk journalist og redaktør. Ho vart landskjend i samband med ein episode knytta opp til noregsbesøket til president Bill Clinton i 1999. Heldal har sidan 2017 vore redaktør for kvinnemagasinet KK.
| Ingeborg Heldal | |
_(cropped).jpg) | |
| Statsborgarskap | Noreg |
| Fødd | 15. mai 1973 (51 år) Ringsaker kommune 
|
| Yrke | redaktør, programleiar, journalist, pedagog |
| Ingeborg Heldal på Commons | |
Karriere
endreHeldal vart fødd i Ringsaker. I 1992 flytta ho til Trondheim for å studere tysk og historie. Etter det flytta ho til Oslo for å ta sosiologipedagogikk, og fekk i 1997 jobb som klasseforstandar ved Uranienborg skole i Oslo, ei stilling ho hadde til 2000.
Hausten 1999 vart Heldal rikskjendis då den amerikanske presidenten Bill Clinton tilfeldigvis stoppa opp og prata med ho utanfor Slottet i Oslo. Clinton var på noregsbesøk då den aktuelle hendinga skjedde. Pressa trekte umiddelbare parallellen til Monica Lewinsky, og dimed gjekk bileta av Heldal og president Clinton verda over.[1] Aviser og TV-stasjonar kontakta henne og 19. november deltok ho på Fredrik Skavlan sitt talkshow Først & sist. Ho var òg gjest på nederlandsk TV. Året etter fekk Heldal ein programleiarjobb i NRK der ho leia familieprogrammet Ryk eller reis.[2] Hausten 2000 jobba ho som utegåande reporter i Du skal danse mye, og arbeidde same haust med research og sketsjar til barneserien Hjemmefronten på NRK2. Våren 2001 var Heldal programleiar for Melodi Grand Prix 2001 frå Tromsø. I 2001, 2002 og 2003 var ho programleiar for det påskesende barneprogrammet Påskemorgen. I 2008 var ho jurymedlem i det TV3-sende programmet Top Model Norge.[3]
I perioden 2002 til 2004 studerte Heldal journalistikk på Norsk journalisthøgskole i Oslo. Etter eit kort opphald i Se og Hør i 2003, arbeidde ho i perioden 2004–2007 som skribent for kvinnemagasinet KK. Frå 2007 til 2012 var ho sjefredaktør i Cosmopolitan.[4][5] Frå 2008 til 2010 var Heldal òg ein av programleiarane for Studio 5. Frå 2012 til 2013 var ho journalist, filmkritikar og programleiar i Viasat Film. I 2013 vart Heldal tilsett som redaktør i Side2, Nettavisen sitt livsstilsmagasin for kvinner.[6] I 2017 vart ho tilsett som redaktør for kvinnebladet KK, der ho tidlegare hadde jobba som journalist.[7]
Familie
endreI 2008 gifta Heldal seg med journalist Halvor Haugen (f. 1981).[8][9]
Referansar
endre- ↑ «USA smiler av norsk Clinton-feber». Dagbladet. 4. november 1999. Henta 15. september 2008.
- ↑ «Jeger eller bytte?». Dagbladet. 13. juli 2000. Henta 15. september 2008.
- ↑ AS, TV 2 (18. juni 2010). «Kjendisjentenes hete sommertips» (på norsk). Henta 5. februar 2019.
- ↑ «highway to heldal». Dagbladet. 20. juli 2007. Henta 15. september 2008.
- ↑ Heldal slutter i Cosmopolitan. seher.no (21. juni 2012)
- ↑ Ingeborg Heldal (40). journalisten.no (7. november 2013)
- ↑ «Ingeborg Heldal forblir redaktør for KK. Går fra konstituert til fast rolle», Journalisten 30. oktober 2017
- ↑ «Stod rosa og sort brud i Paris». Se og Hør. 18. juni 2008. Arkivert frå originalen 9. oktober 2008. Henta 16. september 2008.
- ↑ «Død over romantikken». Dagbladet. 13. mars 2003. Henta 16. september 2008.
- Denne artikkelen bygger på «Ingeborg Heldal» frå Wikipedia på bokmål, den 23. november 2021.