Inger Zachrisson
Inger Zachrisson (fødd 1936) er ein svensk arkeolog som særleg har arbeidd med samisk, spesielt sørsamisk forhistorie.
| Inger Zachrisson | |||
| Fødd | 1936 | ||
|---|---|---|---|
| Nasjonalitet | Sverige | ||
| Område | arkeologi, prehistorisk arkeologi, historie, Vikingar, arkeologisk funn | ||
| Yrke | arkeolog, universitetslærar | ||
| Institusjonar | Umeå universitet | ||
| Alma mater | Umeå universitet | ||
Zachrisson disputerte i 1984 ved Umeå universitet med ei avhandling om samiske metalldepot og arbeidde lenge som förste antikvarie ved Statens historiska museum i Stockholm. Dei viktigaste arbeida hennar er utgravingane på Vivallen[1] og tekstar om kulturmøte mellom samar og nørron folkesetnad i forhistorisk og tidleg historisk tid. Grunnen til at dei er viktige er at historikarar som Kjell Haarstad og Jørn Sandnes hadde hevda at sørsamane vandra inn i midtre delar av Skandinavia først på 1700-talet. Mot dette kunne Zachrisson vise samiske funn på Vivallen (aust for Røros, på svensk side av dagens grense), frå 800-talet. Desse funna endra med andre ord synet på samisk forhistorie i sør.
Boka Möten i gränsland (1997) er ei oppsummering av arkeologisk status for det sørsamiske området. Ho viste at det frå enden av steinalderen i Skandinavia fanst to kulturtradisjonar, av samar i nordaust og av skandinavar i sørvest. Arkeologiske funn og lingvistiske analyser viste at det fram til år 1300 hadde vore aukande kontakt mellom dei to gruppene.[2][3] Arbeidet hennar med gravområdet frå 1000- og 1100-talet ved Vivallen i Härjedalen viste at det ein hadde rekna som reine vikinggraver i røynda var norrøne handelfolk gravlagde etter samisk tradisjon.[4] Findings of wool and linen clothing, brooches and rings at the site also demonstrated the level of contact between the Scandinavians and the Sami who maintained their non-Christian traditions.[5]
Zachrisson var sakkyndig vitne på samisk side i den såkalte «sedvanerättsprocessen» ved Svegs Tingsrätt og Hovrätten för Nedre Norrland i perioden 1991–2001.[6][7]
Forfattarskap i utval endre
- 1962. «Smedsfyndet från Smiss». I: Tor : tidskrift för nordisk fornkunskap. Uppsala.
- 1973. «Tro och sed kring björn och björnjakt». I: Västerbotten 1973:1. Umeå.
- 1984. De samiska metalldepåerna år 1000-1350 i ljuset av fyndet från Mörtträsket, Lappland : The Saami metal deposits A.D. 1000-1350 in the light of the find from Mörtträsket, Lapland. Archaeology and environment 3. Umeå.
- 1992. «The Saami in Scandinavia» I: From Viking to Crusader: Scandinavia and Europe 800 – 1200. Utgitt av Nordisk ministerråd
- 1997. Möten i gränsland, samer och germaner i Mellanskandinavien. Statens historiska museum Monographs 4. Stockholm
- 2004. «Idre sameby - sydligast i Sverige». I: Idre sameby: med historiska spår i framtiden. Utgitt av Gaaltije. ISBN 91-7209-057-x
- 2007. «Arkeologi inför rätta - sydsamernas äldre historia». I: Historisk rätt? : kultur, politik och juridik i norr. Riksantikvarieämbetet. Stockholm.
- 2010. «Vittnesbörd om pälshandel? Ett arkeologiskt perspektiv på romerska bronsmynt funna i norra Sverige». I: Fornvännen 2010/3. Stockholm.
- 2012. «Samer i syd i gången tid - till Uppland och Oslotrakten i söder». I: Uppsala mitt i Sápmi. Rapport från ett symposium arr. av Föreningen för samiskrelaterad forskning i Uppsala. Red. Håkan Tunón et al. CBM:s skriftserie 5. Naptek, Centrum för biologisk mångfald, Uppsala. ISBN 978-91-89232-67-9
- 2016. Gränsland : mitt arkeologiska liv
Referansar endre
- ↑ Vivallen och Vilhelmina - platsnamn som förändrat samernas historia; hos Sverigesradio.se; 8.1.2013
- ↑ «South Saami prehistory in Mid-Scandinavia» (PDF). Uppsala University. Henta 19 October 2016.
- ↑ Roslund, Mats (2007). Guests in the House: Cultural Transmission between Slavs and Scandinavians 900 to 1300 AD. BRILL. s. 113–. ISBN 978-90-474-2185-6.
- ↑ «Historiska museet lyfter fram samernas roll under vikingatiden» (på svensk). Sveriges Radio. Henta 19. oktober 2016.
- ↑ DuBois, Thomas (1999). Nordic Religions in the Viking Age. University of Pennsylvania Press. s. 23–. ISBN 0-8122-1714-4.
- ↑ Rättsprocesser hos samer.se; 21.2.2008
- ↑ Arkeologi och politik hos idresameby.se
- Denne artikkelen bygger på «Inger Zachrisson» frå Wikipedia på bokmål, den 3. oktober 2019.
- Delar av denne artikkelen bygger på «Inger Zachrisson» frå Wikipedia på engelsk, den 25. mai 2020.