Umeå universitet
Umeå universitet er eit statleg universitet i Umeå i Sverige. Universitet vart oppretta i 1965 som det femte universitetet i landet. Umeå universitet kan samanliknast med Linköpings universitet i storleik, som det femte eller sjette største universitet i Sverige, målt i tal på studentar. I 2012 hadde universitetet kring 4 300 tilsette og ein omsetnad på ca 3,9 milliardar SEK.[1] Det vert rangert som eit av verdas 200-300 beste universitet og som det 5. til 8. beste i Sverige.[2][3][4]
| Umeå universitet | |||
 | |||
| Grunnlagt | 1965 | ||
|---|---|---|---|
| Type | Statleg universitet | ||
| Stad | Umeå kommun | ||
| Studentar | 25 812 | ||
| Medlemskap | ORCID | ||
| Nettstad | https://www.umu.se (svensk), https://www.umu.se/en/ (engelsk) | ||
 Umeå universitet 63°49′14″N 20°18′13″E / 63.820555555556°N 20.303611111111°E | |||
Organisasjon
endreUniversitetet i Umeå er organisert i fire fakultet med om lag 50 institutt, 20 senter og 8 høgskular. Dei fire fakulteta er:
- humanistisk
- medisinsk
- samfunnsvitskap
- teknisk-naturvitskap
Høgskular
endre
Ved Umeå universitet er det åtte ulike høgskular:
- Arkitekthögskolan vart oppretta i 2009 som Sveriges fjerde arkitektutdanning, med om lag 60 nye studentar kvart år.
- Designhögskolan har landets mest omfattande utdanning i industridesign.
- Handelshögskolan (USBE) utdannar siviløkonomar i tre ulike kandidatprogram og fem ulike masterprogram. Handelshögskolan er eit av berre seks universitet i Sverige som har rett til å uteksaminera siviløkonomar.
- Idrottshögskolan vid Umeå universitet vart oppretta i 2000 og driv forsking og utdanning innan idrett.
- Konsthögskolan, har om lag 60 studentar som studerer fri kunst.
- Lärarhögskolan vid Umeå universitet (før kalla Umeå School of Education) erstatta ved årsskiftet 2008/2009 det tidlegare lærarfakultetet.
- Restauranghögskolan, vart oppretta i 2002 som den andre av sitt slag i Sverige.
- Tekniska högskolan, har sju sivilingeniørprogramm og like mange høgskuleingeniørprogram.
Æresdoktorar i utval
endre- Kerstin Ekman (1998) – forfattar, medlem av Svenska Akademien
- Christer Fuglesang (1999) – astronaut
- Tarja Halonen (2009) - Finlands president
- Roger D. Kornberg (2003) – nobelpristakar i kjemi 2006
- Sara Lidman (1978) – forfattar
Kjelder
endre- ↑ «Umeå universitet: årsredovisning 2012» (PDF). Umeå universitet. 19. februar 2013. Henta 15. mai 2014.
- ↑ «Academic Ranking of World Universities - 2011». ARWU. Academic Ranking of World Universities. 2011. Henta 15. mai 2014.
- ↑ «Top Universities». CCHS-CSIC. CCHS-CSIC. 2012. Henta 15. mai 2014.
- ↑ «Top Universities». QS Top Universities. QS. 2013. Henta 15. mai 2014.
Bakgrunnsstoff
endre
Denne utdanningsartikkelen som har med Sverige å gjere, er ei spire. Du kan hjelpe Nynorsk Wikipedia gjennom å utvide han.