Ingoda
Ingoda (russisk Ингода) er ei elv i Zabajkalskij kraj i Russland. Elva er 708 km lang og har eit nedslagsfelt på 37 200 km².
| Ingoda | |||
| elv | |||
.JPG) | |||
| Land |  Russland
| ||
|---|---|---|---|
| Nedslagsfelt | 37 200 km² | ||
| Lengd | 708 km | ||
| Munning | Sjilka | ||
 Ingoda 51°42′15″N 115°50′42″E / 51.7042°N 115.845°E | |||
| Wikimedia Commons: Ingoda River | |||
Ingoda spring ut i Khentijfjella sørvest i Zabajkalskij kraj, og renn nordaustover i ein brei dal mellom Jablonovyjfjella og Tsjerskijfjella. Ved byen Tsjita snur elva mot søraustover, og dalen smalnar til medan elva renn gjennom fleire fjellryggar. Rundt 20 km før byen Sjilka munnar Ingoda saman med elva Onon, og dannar elva Sjilka. Ved munningen er middelvassføringa hennar 72,6 m³/s.
Ingoda er islagt frå byrjinga av november til slutten av april. Dei nedste delane av elva er seglbare.
Byen Tsjita ligg ved elva. Den transsibirske jarnvegen går gjennom dalføret til Ingoda.
Kjelder
endre- Denne artikkelen bygger på «Ingoda» frå Wikipedia på bokmål, den 24. oktober 2008.