Ingunn Klepsvik
Ingunn Klepsvik (fødd 22. juni 1946 i Austevoll) er ein norsk lærar, bistandsarbeidar og diplomat. Ho var norsk ambassadør i Tanzania 2010-2014.
| Ingunn Klepsvik | |
| Statsborgarskap | Noreg |
| Fødd | 22. juni 1946 (78 år) |
| Yrke | diplomat |
| Politisk parti | Sosialistisk Venstreparti |
Klepsvik er utdanna lærer og arbeidde i ungdomsskulen i tolv år.[1] I 1971 gjekk ho inn i Fredskorpset og vart sendt til Kenya. Etter å ha vendt attende til Noreg og læraryrket engasjerte ho seg òg i lokalpolitikken og vart representant for Sosialistisk Venstreparti i kommunestyret.
I 1983 byrja ho i Norad, der ho i 2001 vart regiondirektør for regionane Latin-Amerika, Midtausten og Søraust-Europa[1] og frå 2007 til 2008 var assisterande direktør. Klepsvik var ein periode òg fungerande direktør i Norad. Karrierepostane i Norad veksla med diplomatiske posteringer. I 1997 vart ho utnemnd til ambassadør ved den nye norske ambassaden i Managua i Nicaragua, etter å ha vore chargé d'affaires der. Året etter vart ho sideakkreditert til Costa Rica og Panama. I 2009 vart Klepsvik utnemnd til ambassadør i Venezuela, men allereie i 2010 kom ny utneming til ambassadør i Tanzania[2] med sideakkreditering til Seychellane året etter.[3][4]
I 2009 utnemnde kongen Klepsvik til kommandør av Den Kongelege Norske Fortenesteordenen «for embetsfortjeneste.»[5]
Ingunn Klepsvik er syster av Karsten Klepsvik, som òg er norsk diplomat.[1]
Kjelder
endre- ↑ 1,0 1,1 1,2 «La embajadora», Bergens Tidende, 26. mai 2001, s. 40.
- ↑ Offisielt fra statsråd 25. juni 2010.
- ↑ Offisielt fra statsråd 13. februar 2009,
- ↑ Offisielt fra statsråd 25. mars 2011.
- ↑ Tildeling av ordener og medaljer: Søk i arkivet, kongehuset.no.
- Denne artikkelen bygger på «Ingunn Klepsvik» frå Wikipedia på bokmål, den 8. mai 2019.