Is There Anybody Out There?

Is There Anybody Out There? Song av Pink Floyd frå albumet The Wall
Utgjeve	30. november 1979
Innspelt	April-november 1979
Sjanger	Progressiv rock
Lengd	2:44
Selskap	Harvest Records (UK), Columbia Records (US)/Capitol Records (US)
Komponist	Roger Waters
Tekstforfattar	Roger Waters
Låtskrivar(ar)	Roger Waters
Produsent	Bob Ezrin, David Gilmour, James Guthrie og Roger Waters

Is There Anybody Out There? er ein song av det britiske bandet Pink Floyd laga av Roger Waters. Songen, som nesten er for ein instrumental å rekne, vart gjeven ut på albumet deira The Wall i 1979.

Komposisjon

Den første halvdelen av songen byggjer vidare på konseptet bak «Hey You», som er songen før «Is There Anybody Out There?» på albumet. Denne delen er roleg med mørk synthesizerlyd med setninga «Is there anybody out there?» som vert gjentatt fire gonger. Den andre halvdelen er ein instrumentaldel i form av ein klassisk gitar solo. I fleire intervju har David Gilmour fortalt at han prøvde å spele den, men vart aldri nøgd med resultatet. Den klassiske studiomusikaren Ron di Blasi vart henta inn av Michael Kamen for å spele soloen. Gilmour seier òg at det eigentleg var Bob Ezrin som skreiv songen, men at Roger Waters tok æra for den. Den kvinande sireneliknande lydeffekten under songen vart laga på same måte som på den tidlegare Pink Floyd-songen «Echoes». Effekten er laga av Gilmour på gitar. Songen inneheld to klipp frå TV-program, og desse to er klipp frå episodar av Gunsmoke og Gomer Pyle, USMC.

Medverkande

• David Gilmour – kval/måse-lyd (gitar og wah-wah pedal), korvokal
• Roger Waters – solovokal, bassgitar
• Richard Wright – Prophet-5 synthesiser

med:

• Bob Ezrin – synthesiser, strykar-synth
• Joe DiBlasi – klassisk gitar
• Michael Kamen – orkesterarrangement

Personell per Fitch og Mahon.

Fakta

• Tidleg på 1980-talet vart songen brukt i ein kinoreklame for den veldedige organisasjonen Samaritans.
• Heilt på slutten av songen kan ein svakt høyre Waters skrike «I got a little black book with me poems in!», som er ei tekstlinje frå det neste sporet på albumet, «Nobody Home».

Kjelder

• Fitch, Vernon. The Pink Floyd Encyclopedia (3. utg.), 2005. ISBN 1-894959-24-8