Iselin
Iselin og Iselinn er namn med fleire moglege opphav. Det er kjend som eit norsk kvinnenamn, og eit tysk og sveitsisk slektsnamn.
_(6129108936).jpg)
Kvinnenamnet kan vera eit tysk namn avleidd av Isa, som kan vera kjælenamn for namn som Isabel eller Iseline. Namneleddet Ise- kjem frå det gammalhøgtyske isan, 'jern'. Namnet kan også vera ein norsk utgåve av det irske Aisling.
Det tyske og tysk-sveitsiske slektsnamnet er ein variant av namnet Eisele.[1]
Namnet Iselin i Noreg
endreIselin har norsk namnedag den 19. desember.
Namnet er kjend frå romanen Pan av Knut Hamsun frå 1894. Det kom i bruk i Noreg rundt 1940. Bruken tok til å veksa ved midten av 1970-talet, og nådde ein topp på siste halvdel av 1980-talet, då over 0,4 % av nyfødde jenter blei kalla Iselin. Det var 2 562 kvinner som heitte Iselin i Noreg i 2008, og 82 som heitte Iselinn.
Kjende namneberarar
endre- Iselin Bast eller Tove von Hanno (f. 1950), norsk kunstnar
- Iselin Alme (f. 1957), norsk songar og skodespelar
- Iselin B. Alvestad (f. 1978), norsk forfattar
- Iselin Engan (f. 1978), norsk formgjevar
- Iselin Nybø (f. 1981), norsk politikar
- Iselin Steiro (f. 1985), norsk modell
- Iselin Solheim (f. 1990), norsk songar-låtskrivar
- Iselin Michelsen (f. 1990), norsk modell og songar
Kjelder
endre- Denne artikkelen bygger på «Iselin» frå Wikipedia på bokmål, den 19. desember 2008.
- Spørjekassa om namn[daud lenkje] ved uio.no
- Søk etter norsk namnestatistikk for Iselin hjå Statistisk Sentralbyrå