Iselin Alme

Iselin Alme (fødd 10. juli 1957) er ein norsk songar, skodespelar og dansar.

Iselin Alme
Fødd	10. juli 1957 (67 år)
Fødestad	Oslo
Verka som	skodespelar, songar, dansar, musikkpedagog
Mor	Brett Borgen
Far	Gunnar Alme

Bakgrunn

Alme er dotter av scenografen og målaren Gunnar Alme og forfattaren Brett Borgen. Ho er barnebarn av forfattaren Johan Borgen.

Alme byrja å dansa klassisk ballett fem år gammal. Ho tok fleire eksamenar i klassisk ballett og gjekk seinare over til moderne ballett og jazzballett. Songkarrieren starta då ho som tiåring vart teken opp i NRKs jentekor. Seinare gjekk ho over i Studiokoret, til saman tolv år under dirigenten Marie Foss. Alme har ein brei bakgrunn som songar og dansar frå Noreg og St. Olaf College i Northfield i Minnesota i USA. Ved St. Olaf College studerte ho mellom anna musikalteater, litteratur og kunsthistorie og song, og turnerte også med det anerkjende St. Olaf Choir. Ho hospiterte seinare ved Elevskolen ved Det Norske Teatret.

Alme studerte klassisk song i ei årrekkje under Lilly Berglund og Eva Tørklep Larsen.

Karriere

Alme har ein allsidig karriere som utøvande kunstnar; som skodespelar, musikalartist, songar (mezzosopran) og dansar.

Ho har gitt ut tre musikkalbum med norske folketonar og romansar, Våre vakreste melodier, Våre vakreste folketoner og Sanger om kjærlighet, alle på dB Records. I 1989 produserte ho sitt eige album, Musicals (GPI).

I mange år har ho vore songsolist med kor, korps og orkester som Kringkastingsorkestret, Stavanger Symfoniorkester, Bergen Filharmoniske Orkester, alle korpsa i Forsvaret med fleire. Ho har òg delteke i fleire turnear med Riksteatret og Rikskonsertane og har hatt solistoppgåver i radio og TV. Alme har medverka som korist for ei rekkje artistar. Blant anna var ho med Finn Kalvik då han framførte «Aldri i livet» i finalen i Melodi Grand Prix i Dublin i 1981.

På scena

Alme byrja karrieren som revyskodespelar hos Dizzie Tunes og Dag Frøland. Etter det spelte ho rolla som Maria i musikalen West Side Story på Det Norske Teatret i 1982. Ho har utover det hatt sentrale roller blant anna i musikalar som Godspell, A Chorus Line, Cats, Oklahoma, Chess og Jesus Christ Suparstar. I 1987 spelte ho Oppsetninga til riksteateret av Ionescos Privattimen. Ho spelte i åra 1984-1989 rolla som Gudrun i Spelet om Heilag Olav på Stiklestad.

Diskografi

• Våre vakreste folketoner Vol. 1 (1978)
• Våre vakreste melodier Vol. 1 (1978)
• Sanger om kjærlighet (1980)
• Musicals (1989)

Singlar

• Lengt (1988), med Tor Endresen

Deltar på

• Cornelis Vreeswijk: Felicias svenska suite (1978)
• Lillian Askeland: Countryjente (1978)
• Rita Engebretsen & Helge Borglund: Frem fra Glemselen kap. 6 (1978)
• Rita Engebretsen & Helge Borglund: Frem fra Glemselen kap. 7 (1979)
• Rita Engebretsen & Helge Borglund: Frem fra Glemselen kap. 8 (1979)
• The Country Team: Countryfest 4 (1979)
• Talent: God jul (1979)
• Rita Engebretsen & Helge Borglund: Frem fra Glemselen kap. 9 (1980)
• Lillian Askeland: Vårt beste år (1980)
• Hanne Krogh: Nærbilde (1980)
• Septimus: Nye fristelser (1980)
• Stein Ove Berg: Egg (1980)
• Helge Borglund: Anno 1980 (1980)
• The Country Team: Countryfest 6 (1980)
• Rita Engebretsen & Helge Borglund: Frem fra Glemselen kap. 10 (1981)
• The Country Team: Countryfest 7 (1981)
• Eigil Berg: Alhambra (1981)
• Bent Bredesen: Brede (1981)
• K.M. Myrland: Ækte (1981)
• Øystein Sunde: Barkebille boogie (1981)
• Stein Ove Berg: Stein Oves beste (1981)
• Ole Paus: Noen der oppe (1982)
• Rita Engebretsen & Helge Borglund: Frem fra Glemselen kap. 11 (1982)
• Kirkelig Kulturverksted: Dans med oss, gud (1982)
• Inger Lise Rypdal: Kontakt (1982)
• Roger Nichols & Bruce Roberts: Songwriters For the Stars 3 (1982)
• Mary Trana: Sangbok (1982)
• Ole Paus: Seks sider av Ole Paus (1982)
• Rita Engebretsen: Rita (1983)
• Knut Erik Steen: Stille vann (1983)
• NorDisc: A Chorus Line (1983)
• Barnas: Barnas beste viser 9 (1984)
• Øystein Sunde: Øystein Sunde i boks (1985)
• Odd-Arne Jacobsen: Vakkert land (1985)
• Eyvind Skeie & Sigvald Tveit: Det gode landet (1987)
• HD-forlaget/Hjemmenes dåpsring: Den fyrste song (1987)
• HD-forlaget/Hjemmenes dåpsring: Takk, min gud, for hele meg (1987)
• Mariann Records: Norske blinkskudd (1988)
• Ole Paus: Jeg kaller det vakker musikk: Hjemmevant utenfor – Ca. 40 Beste (1994)
• Stein Ove Berg: Årgangsviser (1995)
• Trond Heimdal: 40 meter over havet (1996)
• K.M. Myrland: Vante folk – K.M. Myrlands beste (1997)
• Musikkforlaget Mobråten: Radiohits IV (1998)
• Ottar «Big Hand» Johansen: Mitt liv er Country Music (2001)
• IKO: Nå lukker seg mitt øye – Kveldsbønner (2001)
• IKO: Den fyrste song (2002)
• Kristin Solli Schøien: Klapp alle hender i glede (2004)
• Stein Ove Berg: Manda' morra blues – Stein Oves beste (2004)
• Øystein Sunde: Sundes verden – 52 av de aller beste (2006)
• Anders Hatlo, Sven Nordin & Johannes Joner: Jeg vet en vind – Galeiscenen (2007)
• Talent: Påskestemning – Sanger om vær og vind (2011)
• Ottar «Big Hand» Johansen: Topp 20 (2015)
• Gunnar Wiklund: Så länge jag lever (2015)

Kjelder

• Denne artikkelen bygger på «Iselin Alme» frå Wikipedia på bokmål, den 9. november 2021.

Bakgrunnsstoff

Commons har multimedium som gjeld: Iselin Alme

• Iselin Alme ved The Internet Movie Database (IMDb)