Isonzo

Isonzo (slovensk Soča, gamaltysk Sontig) er ei 140 km lang elv i Slovenia og Italia. Kjelda til elva ligg i Trentadalen i Dei juliske Alpane i Slovenia i ei høgd på om lag 1 100 meter over havet. Elva renn forbi det høgaste fjellet i Slovenia, Triglav (2 864 moh) før ho renn sørover forbi byane Bovec, Kobarid, Tolmin, Nova Gorica og Gorizia. Ho munnar ut i Adriahavet nær den italienske byen Monfalcone.

Isonzo
elv
Soča nær Kobarid
Land	Slovenia, Italia
Nedslagsfelt	3 400 km²
Lengd	140 km
Middelvassføring	140 m³/s
Kjelde	Dei juliske Alpane vest for Triglav
•  høgd	1 100 moh.
Munning	Adriahavet nær Monfalcone
Isonzo 45.994444444444°N 13.641388888889°E / 45.994444444444; 13.641388888889
Wikimedia Commons: Soča

Sočadalen var åstad for store militære operasjonar , inkludert tolv slag ved den italienske fronten under den første verdskrigen mellom mai 1915 og november 1917 der over 300 000 soldatar frå Austerrike-Ungarn og Ungarn mista livet.

I Slovenia vert elva stundom kalla «Den vene smaragdelva» på grunn av det samaragdgrøne vatnet. Ho er visstnok ei av få elvar i verda som har ein slik farge gjennom heile løpet. Soča inspirerte den slovenske diktaren Simon Gregorčič til å skrive det mest kjende diktet hans Soči (Til Soča), eit meisterverk i slovensk poesi.

Isonzo er kjend for den unike aurearten Salmo trutta marmoratus (kalla marmoraure), som lever i det krystallklåre vatnet i dei øvre områda av elva. Arten er utryddingstruga på grunn av at andre fiskeartar vart sett ut i elva mellom dei to verdskrigane.

Galleri

• 
  Isonzo
• 
  Soča nær Bovec
• 
  Soča nær Kobarid
• 
  Soča nær Kobarid
• 
  Satellittbilete av elvemunningen
• 
  Trentadalen
• 
  Soča ved Kanal ob Soči
• 
  Isonzo nær munningen i Adriahavet ved Isola di Cane

Bakgrunnsstoff

• Fredsmarsjen til Soča-regionsstiftinga.

Kjelder

• Denne artikkelen er basert på ei omsetjing av artikkelen Soča frå Engelsk Wikipedia .