Ivar Berntsen
Ivar Berntsen (10. desember 1875–16. mai 1948) var ein norsk kontor- og bankmann og politikar, fødd i Glemmen i Østfold. Han var stortingsmann for Høgre valbolken 1919-21.
| Ivar Berntsen | |||
| Fødd | 10. desember 1875 Glemmen kommune | ||
|---|---|---|---|
| Død | 16. mai 1948 (72 år) | ||
| Statsborgar av | Noreg | ||
| Yrke | politikar, underoffiser | ||
| Alle verv |
| ||
Ivar Berntsen var son til ein båtsmann. Han var sjølv sjømann i ungdomen. 1894-97 utdanna han seg til underoffiser i Halden. Elles var han i yngre år sysselsett ved snikkarverkstaden til Kværner Brug i hovudstaden, dessutan arbeidsformann ved ein sekkefabrikk i same byen. Etter å ha arbeidd på eit kontor i Fredrikstad, var han politisekretær i byen frå 1901. I 1908 vart han tilsett heradskasserar i det nye Kråkerøy herad, jamsides var han likningssekretær og fattigforstandar i heradet. Frå 1917 hadde han kasserarjobben i Glemmen og Kråkerøy Sparebank til han trekte seg tilbake i 1944.
Ved stortingsvalet 1918 vart Berntsen vald til å representere einmannskrinsen Glemmen («Glemminge») i tingperioden 1919-21. Han vart vald på eit Høgre-program. På Stortinget var han medlem i Sosialkomitéen. I Krakerøy hadde han posisjonen som varaordførar 1922-?