Jørgen Henschien
norsk embetsmann og politikar
Jørgen Henschien (6. mars 1789–13. september 1864) var ein norsk fut, fødd i Øvre Eiker og død i Christiania, som møtte på Stortinget i 1827 og -28. Han var far til Johannes Andreas Henschien.
| Jørgen Henschien | |
| Statsborgarskap | Noreg |
| Fødd | 6. mars 1789 Øvre Eiker |
| Død |
13. september 1864 (75 år) |
| Yrke | politikar, embetsmann |
| Språk | norsk |
Jørgen Henschien var son til ein godsforvaltar. Sjølv tok han juridisk eksamen i 1815, og vart overrettsprokurator i 1818. Frå 1818 til 1843 var han fut i Nedenes, busett i Fjære. Åra 1843-58 var han fut i Nedre Romerike.
Henschien representerte Kongsberg på Stortinget i 1827 og på omframt-stortinget 1828. På det ordinære 1827-stortinget var han visesekretær i Lagtinget, og medlem i komiteen om gasjar, pensjonar og om kjøpstadskatten. I 1828 var han medlem i Lagtinget.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Jørgen Henschien NSD Norsk senter for forskningsdatas politikararkiv