Jacob Christian Prebensen
Jacob Christian Wetlesen Prebensen (5. oktober 1851–8. september 1911) var ein kjøpmann, skipsreiar, trelasthandlar og stortingsmann frå Risør. Nikolai Prebensen var bror hans.
| Jacob Christian Prebensen | |||
| Fødd | 5. oktober 1851 | ||
|---|---|---|---|
| Død | 8. september 1911 (59 år) | ||
| Statsborgar av | Noreg | ||
| Yrke | forretningsdrivande, politikar | ||
| Far | Jacob Wetlesen Prebensen | ||
| Barn | Per Preben Prebensen | ||
| Alle verv |
| ||
Prebensen vart utdanna i handelsfaget under opphald i Nederland og Skottland. Han overtok i 1876 faren sine forretningar i Risør. Desse voks mykje i Prebensen si tid og omfatta handel, utreiing av skip, skipsverft, trelasthandel, sagbruk og høvleri, mylnebruk, eksport av is. Han eigde store skogeigedomar i Gjerstad og Treungen, på det meste hadde han hand om om lag 150000 dekar. I 1910 kom verksemda under administrasjon, og firmaet vart avvikla.
Prebensen var ordførar i Risør frå 1880 til 1909. Han var styreformann for fellesfløytinga i Gjerstad, Nærstad og Vegårshei. Elles hadde ein rekke verv i både offentleg og privat teneste.
Prebensen var for perioden 1892-94 vald til stortingsmann for Risør og partiet Høgre. På tinget var han 1892-93 medlem av gasje- og pensjonskomiteen, i 1894 møtte han ikkje. Tidlegare, 1886-88, hadde han vore fyrste varamann på Stortinget for Risør, møtte då frå 11. juni 1888.
Han døydde 1911 i Søndeled.
Kjelde
endre- Lindstøl, Tallak: Stortinget og Statsraadet 1814-1914. Kristiania, 1914