Jan Kristian Fjærestad

Jan Kristian Fjærestad (fødd 4. september 1963) er ein tidlegare fotballspelar frå Sarpsborg. Han vart seriemeister for Moss Fotballklubb i 1987 og deltok 1987-88 i åtte landskampar for Noreg. Fjærestad var angrepsspelar, sterk i hovudduellar.

Jan Kristian Fjærestad
Statsborgarskap	Noreg
Fødd	4. september 1963 (61 år) Sarpsborg kommune
Idrett	fotball

Karriere

Klubbspel

Fjærestad var med å ta Hafslund Idrettsforening frå 5. til 3. divisjon. Våren 1984 melde han overgang til Moss FK. Han var litt ut og inn av startellevaren dei fyrste to sesongane i Moss, men etablerte seg under Nils Arne Eggen då laget var innom 2. divisjon i 1986. Med 18 mål av Moss sine totalt 44 seriemål vart han i 1987-sesongen toppskårar i 1. divisjon. Han bidrog såleis mykje til at Moss vart norsk seriemeister for fyrste og hittil siste gong. Trass i at han ikkje var særs flink i å skyte, viste Fjærestad seg effektiv i straffefeltet. I 1989 var han plaga av skader på vårparten, og lukkast sidan lite i Moss-laget. Han avslutta med spel for 4. divisjonslaget Hafslund åra 1991-93.

Landslagsspel

Fjærestad fekk sin landslagsdebut 12. august 1987 i ein mållaus heimekamp mo Sverige. Han skåra sitt einaste mål i landslagsdrakt 28. oktober 1987 mot Aust-Tyskland. 28. juli 1988 fekk Fjærestad kome på bana i staden for målskårar Jan Åge Fjørtoft då Noreg og Brasil spelte uavgjort 1–1 på Ullevaal stadion. Etter 8 landskampar var landlagstida over.

Merittar

• Norsk seriemeister: 1987 for Moss FK

Kjelder

• Denne artikkelen bygger på «Jan Kristian Fjærestad» frå Wikipedia på bokmål, den 10. oktober 2022.
• eu-football