Jan Åge Fjørtoft
Jan Åge Fjørtoft (fødd 10. januar 1967 Ålesund) er ein tidlegare norsk fotballspelar. Han er eigentleg frå Gursken i Sande kommune i Møre og Romsdal. Han var ein målfarleg spelar som har spelt for ei rekkje forskjellige klubbar i Noreg, Austerrike, England og Tyskland. Han spelte 71 landskampar for Noreg, der han var kaptein i 15 av dei og skåra 20 mål.
 | |||
| Personleg informasjon | |||
|---|---|---|---|
| Kallenamn | Fjøra | ||
| Fødd | 10. januar 1967 | ||
| Fødestad | Ålesund | ||
| Posisjon | Angrepsspelar | ||
| Ungdomsklubbar | |||
|
Gursken Hødd | |||
| Seniorkarriere* | |||
| År | Lag | Kampar (Mål) | |
| 1986–1987 1988–1989 1989–1993 1993–1995 1995–1996 1996–1998 1998–1999 1999–2001 2001 2002 |
 HamKam Lillestrøm Rapid Wien Swindon Middlesbrough Sheffield United Barnsley Eintracht Frankfurt Stabæk Lillestrøm |
44(17) 33(20) 128(67) 72(28) 41(9) 34(19) 34(9) 51(14) 15(6) 5(0) | |
| Landslag | |||
| 1986-1996 | Noreg | 71(20) | |
| * Seniorklubbkampar og mål berre telt for nasjonal liga | |||
Karriere
endreJan Åge Fjørtoft jobba i ei periode som ekspertkommentator for NRK, men slutta då han vart manager for Lillestrøm Sportsklubb i august 2004. Då han var manager for LSK (Lillestrøm Sportsklubb, jobba han òg ved sidan av som programleiar i TV3. I slutten av 2006 var han i ei periode trenar for Lillestrøm saman med Frode Grodås og Erland Johnsen. Han var trenar etter at Uwe Rösler gjekk av, til Tom Nodlie tok over. I den perioden spelte klubben seks (6) kampar i Royal League, tre (3) sigarar, og tre (3) uavgjort.
Etter fire og eit halvt (4,5) år som manager i LSK slutta Jan Åge etter 2008-sesongen. I denne perioden hadde Lillestrøm vore finalist i både Cupfinalen i 2005 og i Royale League-finala i 2006, men tapte begge. Ein positiv opptur for LSK, i ein elles svak sesong var noregsmeistertittelen i 2007. I Cupfinala 11. november 2007 kunne LSK lyfte Kongepokalen for fyrste gong på 27 år, etter å ha slått Haugesund 0-2. Fjørtoft er i dag programleiar i Viasat, der han leiar kanalen sine sendingar i Champions League, den engelske FA-cupen og Noreg sine bortelandskampar. I tillegg skal han leie sendingane i den nye Europa-ligaen. Jan Åge er òg strategisk konsulent for organisasjonar i firma i inn- og utland.
I løpet av karrieren scora han ei rekkje viktige mål (totalt 307 mål på 620 obligatoriske kampar), både på klubb- og landslag. Det viktigaste målet han scora, i fylgje seg sjølv, var det målet han scora i den siste serierunda i 1999. Eintracht Frankfurt slo Kaiserslautern 5-1, sneik seg framfor Nürnberg ved hjelp av målforskjellen og berga dermed plassen i Bundesliga.
På landslaget vert han nok mest huska for målet han scora borte mot Polen i 1993, då han brukte «Fjørtoft-finta» og gav Noreg leiinga 2-0. Med det målet hadde Noreg i realitetane kvalifisert seg til VM i fotball i 1994 for fyrste gong sidan 1938. Jan Åge vart, som andre utanlandske i Austerrike, kåra til årets spelar i 1990.
Klubb- og kampoversyn
endre| Klubb | Kampar* | Mål* | Periode |
|---|---|---|---|
| Gursken | ?? | ?? | ???? - 1982 |
| Hødd | 40 | 36 | 1984-1985 |
| Hamarkameratene | 44 | 17 | 1986-1987 |
| Lillestrøm SK | 33 | 20 | 1988-1989 |
| Rapid Wien | 128 | 67 | 1989-1993 |
| Swindon | 72 | 28 | 1993-1995 |
| Middlesbrough | 41 | 9 | 1995-1996 |
| Sheffield United | 34 | 19 | 1996-1998 |
| Barnsley | 34 | 9 | 1998-1999 |
| Eintracht Frankfurt | 51 | 14 | 1999-2001 |
| Stabæk | 15 | 6 | 2001 |
| Lillestrøm SK | 5 | 0 | 2002 |
* Berre seriekampar.