Jaouad Gharib
Jaouad Gharib (fødd 22. mai 1972) er ein marokkansk tidlegare langdistanseløpar som vart verdsmeister i maratonløping i 2003 og 2005, sidan tok han sølv på same distansen under Sommar-OL 2008 i Beijing.
| Jaouad Gharib | |
|
| |
| Statsborgarskap | Marokko |
| Fødd | 22. mai 1972 (51 år) Khénifra |
| Idrett | friidrett |
| Tok del i | |
Aktiv endre
Gharib sette personlege rekordar på 5 000 meter og 10 000 meter sommaren 2001, fyrst på mila i juni i Praha med 27.29,5 og deretter i juli i Bislett Games på 5 000 m med 13.19,6. I VM 2001 i august enda han på ellevteplass i milløpet. Han vart overtalt til å satse på lengre løpsdistansar, allereie på sitt andre maratonløp vann VM-gull i Paris i 2003. To år seinare forsvarte Gharib VM-tittelen i maraton i Helsinki. Under dei olympiske sommarleikane i Beijing i 2008 tok han sølvmedaljen i maratonløpet. Våren 2009 sprang han sitt livs snøggaste maraton då han vart tredjemann i London maraton på tida 2.05.27. På ein særs heit dag i desember 2010 vann han Fukuoka maraton i einsam majestet på 2.08.24.
Medaljar og plasseringar i internasjonale meisterskap endre
- VM 2001 i Edmonton: Nr 11 på 10 000 m – 28.05,4
- VM 2003 i Paris: Gullmedalje i maraton – 2.08.31, framom Julio Rey (2.08.38)
- OL 2004 i Aten: Nr 11 i maraton – 2.15.12
- VM 2005 i Helsinki: Gullmedalje i maraton – 2.10.10, framom Christopher Isengwe (2.10.21)
- OL 2008 i Beijing: Sølvmedalje i maraton – 2.07.16, bakom Samuel Wanjiru (2.06.32)
Kjelder endre
- Denne artikkelen bygger på «Jaouad Gharib» frå Wikipedia på engelsk, den 3. juni 2019.