Jesús Navas

Jesús Navas González (fødd 21. november 1985 i Los Palacios y Villafranca i Andalucía) er ein spansk fotballspelar som spelar for Sevilla (2020). Han har òg landskampar for Spania. Navas var med på å vinna UEFA-cupen med Sevilla i 2006 og 2007.

Jesús Navas

Personleg informasjon
Fullt namn	Jesús Navas González
Fødd	21. november 1985
Fødestad	Los Palacios y Villafranca i Spania
Høgd	170 cm
Posisjon	Ving
Klubbinformasjon
Noverande lag	Sevilla
Nummer	7
Ungdomsklubbar
1998-2000 2000-03	Los Palacios Sevilla
Seniorkarriere*
År	Lag	Kampar (Mål)
2003-	Sevilla	196 (17)
Landslag
2004-05 2009-	Spania U21 Spania	5 (0) 9 (1)
* Seniorklubbkampar og mål berre telt for nasjonal liga og oppdatert 16. mai 2010 ‡ Landslagsmål oppdatert 11. juli 2010

Navas lir av kronisk heimlengt og panikkanfall i så sterk grad at han har forlate treningsleirar som har vore for langt borte frå Sevilla og har vore open om dette. Han vart rekna som ein lovande landslagsspelar på U21-nivå, men måtte gi seg med landslagsspel på grunn av angstproblema. I august 2009 kunngjorde han at han ville freista å overvinna desse problema for å kunne spela landslagsfotball, og han debuterte for A-landslaget 14. november 2009 i ein heimekamp mot Argentina. Han vart teken ut til fotball-VM i 2010 i Sør-Afrika, og skåra det første landslagsmålet sitt i ein oppvarmingskamp mot Sør-Korea før VM, 3. juni 2010. Under sjølve turneringa starta han kampen mot Honduras i gruppespelet og kom inn som innbytar i gruppekampen mot Sveits og finalen mot Nederland, då Spania vart verdsmeistrar.