Jevgenij Misjakov

Jevgenij Misjakov (22. februar 1941–30. mai 2007) var ein russisk ishockeyspelar frå ein landsby i Moskva oblast. Perioden 1968-72 vann han to OL-gull og tre VM-gull for Sovjetunionen.

Jevgenij Misjakov
Statsborgarskap	Sovjetunionen
Fødd	22. februar 1941 Nikitkino
Død	30. mai 2007 (66 år) Moskva
Idrett	ishockey
Tok del i	Vinter-OL 1968, Vinter-OL 1972
Utmerkingar	«Arbeidets helt«-medaljen, Idrettens mester i Sovjetunionen

Angrepsspelaren Misjakov vart olympisk meister med det sterke sovjetmannskapet som gjekk til topps i ishockey-turneringa under vinterleikane 1968 i Grenoble. Dei neste tre åra vart han verdsmeister med mykje det same sovjetlandslaget. Under Vinter-OL 1972 i Sapporo forsvarte Misjakov og lagkameratane den olympiske meistertittelen, derimot måtte dei sjå seg slått av Tsjekkoslovakia då Ishockey-VM 1972 vart avvikla i Praha i april 1972.

Misjakov spelte perioden 1960-63 ein sesong på kvar av ishockeylaga Spartak Kaluga, Spartak Moskva og Tver HK. Frå 1963 gjorde han teneste i CSKA Moskva til han la opp i 1974. Med CSKA sanka han åtte seriemeisterpokalar og fem cupmeistertitlar.

Kjelder

• Denne artikkelen bygger på «Мишаков, Евгений Дмитриевич» frå Wikipedia på russisk, den 9. april 2021.