Jo Ørjasæter
Jo Ørjasæter (30. august 1925–12. juli 2006) var ein norsk journalist, teater- og litteraturkritikar og sakprosaforfattar, fødd på Lillehammer.
| Jo Ørjasæter | |
| Statsborgarskap | Noreg |
| Fødd | 30. august 1925 Lillehammer kommune |
| Død |
12. juli 2006 (80 år) |
| Yrke | skribent, journalist, omsetjar |
| Far | Tore Ørjasæter |
| Ektefelle | Tordis Ørjasæter |
| Born | Elin Ørjasæter, Kristin Ørjasæter |
Ørjasæter var utdanna filolog frå Oslo og USA, og arbeidde som kulturmedarbeidar i avisa Nationen i meir enn førti år. Samtidig skreiv han bøker om historia til Fjernsynsteatret, Det Norske Teatret og biografiar om Nils Collett Vogt og Nini Roll Anker. Boka om Anker skreiv han i lag med kona si, Tordis Ørjasæter.
Han var òg ein aktiv omsetjar og har blant mykje anna omsett bøker av Märta Tikkanen, Sara Lidman og Kerstin Ekman. Han fekk Kultur- og kyrkjedepartementets pris for omsetjing barne- og ungdomslitteratur tre gonger, for omsetjingane av Dei teier meg i hel av Inger Skote i 1975, for Mor er inga heks av Olov Svedelid i 1982 og Det Jamie såg av Carolyn Coman i 1997[1] For den sistnemnde fekk han òg Bastianprisen.[2]
Han var son av Tore Ørjasæter og gift med Tordis Ørjasæter.
Referansar
endre- ↑ http://oversetterforeningen.no/media/Kulturdepartementets_3.pdf [daud lenkje]
- ↑ arkivkopi, arkivert frå originalen 22. oktober 2007, henta 21. april 2008