Johannes Ewald
Johannes Ewald (18. november 1743–17. mars 1781) var ein dansk diktar og dramatikar. Han verka i overgangstiden mellom opplysingstida og romantikken,[1] og vert rekna som den første moderne forfattaren i Danmark som skreiv frå eit personleg synspunkt.[2]
| Johannes Ewald | |
 | |
| Statsborgarskap | Kongeriket Danmark |
| Fødd | 18. november 1743 København |
| Død |
17. mars 1781 (37 år) |
| Yrke | lyrikar, skodespelforfattar, skribent |
| Språk | dansk |
| Sjanger | dikt |
| Far | Enevold Ewald |
| Johannes Ewald på Commons | |
Ewald skreiv den danske kongesongen, «Kong Christian stod ved højen Mast», og dei sjølvbiografiske tekstane Levnet og Meninger og Herr Panthakaks Historie. I samtida var han mest kjend for dikt som hylla kongelege og andre personar av høg rang. Han fornya dramaet med nye tema frå den nordiske oldtida: Balders Død og Rolf Krage, eller ved eit fattig nordsjellandsk fiskarleie: Fiskerne. Grunna svak helse, som han forverra ved drukkenskap og dårleg økonomi, døydde Ewald berre 37 år gammal.
Kjelder
endre- ↑ Ewald «Johannes_Ewald» i Store norske leksikon, snl.no.
- ↑ Kristoffer Holm Pedersen, Den første digter – Johannes Ewalds Udvalgte Digte, LitteraturNu.dk[daud lenkje]
- Denne artikkelen bygger på «Johannes Ewald» frå Wikipedia på dansk, den 2. november 2024.