Johannes Hjelmstad
Johannes Mikkelsen Hjelmstad (15. mars 1832–6. desember 1910) var ein norsk gardbrukar og stortingsmann frå Ringsaker i Hedmark. Ole Evensen Hjelmstad var halvbror hans.
| Johannes Hjelmstad | |||
| Fødd | 15. mars 1832 | ||
|---|---|---|---|
| Død | 6. desember 1910 (78 år) | ||
| Statsborgar av | Noreg | ||
| Yrke | politikar | ||
| Alle verv |
| ||
Hjelmstad var son til ein gardbrukar. I ungdomen gjekk han i privatskule hos Lars Jensen i heimbygda. 18 år gammal tok han over farsgarden, og dreiv denne i 50 år. Nesten heile tida mellom 1857 og 1900 var han medlem av heradsstyret, ordførar i fire år. Valmann frå 1868 til 1903, då ordninga vart oppheva. Forlikskommissær i ein del år, og sparebankdirektør. Medlem i representantskapen til Norges Bank.
Hjelmstad var 2. varamann til Stortinget frå Hedemarkens amt i periodane 1889-91 og 1892-94. Han møtte på tinget i 1890 frå 28. mai og 1891 frå 9. mars, samt eit par veker i mars 1894.
Han døydde på Hjelmstad i Ringsaker i 1910.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914