John Roberts

John Glover Roberts jr. (fødd 27. januar 1955) er ein amerikansk jurist som sidan 2005 har vore justitiarius i den amerikanske høgsteretten.

John Roberts
Statsborgarskap	USA
Fødd	27. januar 1955 (69 år) Buffalo i New York
Yrke	jurist, dommar, advokat, politikar, kunsthistorikar, kunstteoretiker, lærar
Verv	Høgsterettsjustitiarius i USA
Periode	2005-
Føregangar	William Rehnquist
Politisk parti	Det republikanske partiet
Medlem av	American Academy of Arts and Sciences
Religion	katolisisme
Ektefelle	Jane Sullivan Roberts
John Roberts på Commons

Roberts vart fødd i Buffalo og voks opp i Indiana. Han graduerte frå Harvard i 1979. Frå 1980 til 1981 var han praktikant for høgsterettsdommar William Rehnquist. Han arbeidde for Ronald Reagan-regjeringa, frå 1981 til 1982 som spesialrådgjevar til generaladvokat William French Smith og frå 1982 til 1986 som assisterande juridisk rådgjevar til presidenten. Då han vart nominert til høgsteretten var han dommar ved den føderale appellretten for District of Columbia.

Roberts vart nominert av president George W. Bush 19. juli 2005 til å bli dommar i høgsterett. Før senatshøyringane var kome i gang, vart Roberts nominert til å bli høgsterettsjustitiarius etter at William Rehnquist gjekk bort 3. september 2005. Senatet godkjende Roberts si utnemning 29. september 2005. I ein alder av 50 år vart han den yngste høgesterettsjustitiariusen på over 200 år.