Rapparen Apollo
Jonas Forsang Moksnes (fødd 24. desember 1980), betre kjend som Apollo eller Bleikansiktet, er ein norsk rappar, musikar og journalist frå Bekkelaget i Oslo.
| Apollo | |||
 | |||
| Fødd | 24. desember 1980 (43 år) | ||
|---|---|---|---|
| Fødestad | Oslo | ||
| Fødenamn | Jonas Forsang Moksnes | ||
| Alias | Jonas Forsang Moksnes | ||
| Opphav | Noreg | ||
| Sjanger | rapping | ||
| Instrument | vokal | ||
| Verka som | journalist, musikar, forfattar, rappar | ||
Musikk
endreHeilt ifrå byrjinga har Apollo rappa på morsmålet. Apollo gav i 2000 ut debut-EP-en Scenario,[1] ei plate som berre vart trykt i 500 eksemplar. I 2002 gav han ut sitt fyrste album, ved namn Mine Damer og Herrer på Universal Records.[2] Dette vart nominert til både Spellemannprisen og Alarmprisen i kategorien "beste hip-hop-album". Songane Hvite netter og Sperra inne vart gjevne ut som singlar og blei hits i Noreg. I 2004 kom oppfylgjarplata Satan´s Sirkus (Universal Records).[3] Etter dette har det ikkje kome fleire soloalbum frå Apollo til no.
Rundt år 2006 blei Apollo med i rockebandet Yoga Fire, som består av han sjølv og dei tidlegare medlemmene i hip-hop-gruppa Klovner i kamp. I 2007 lagde Moksnes rulletekstlåta til den fjernsynsserien "Gutta Boys" saman med DJ Goldfinger frå Klovner i kamp. I fleire år er Moksnes blitt kåra til ein av landets mest sexy menn av motemagasinet Elle.[4] I 2009 vann han MTV Europe Music Awards i kategorien "Beste Norske Artist" saman med Yoga Fire, og var nominert i kategorien "Best European Act".[5] Yoga Fire vann også Spellemannprisen 2010 i kategorien «Årets musikkvideo».
Journalisme
endreJonas Forsang Moksnes har skrive for ei rekkje norske magasin, m.a. Elle og MASSIV. Frå 2010 har han jobba i mannebladet ALFA. Portrettintervjuet hans med kokaindømte Stina Brendemo Hagen som vart fengsla i Bolivia, skapte store overskrifter og debatt i norsk media.[6] Han vann «Årets feature 2010» under Nordiske Mediepriser for saka «Treholt for dummies», publisert i ALFA.[7]
Diskografi
endre- Scenario EP (Rar), 2000
- Mine Damer og Herrer (Universal), 2001
- Hvite netter (singel), 2001
- Sperra inne (singel), 2002
- Satan`s Sirkus (Universal), 2004
- Fuck you eller penga tilbake med Yoga Fire (MTG Music), 2009
Kjelder
endre- ↑ Scenario EP på Jester sin blogg.
- ↑ Mine damer og herrer på discogs.com
- ↑ Satans sirkus på itunes.com
- ↑ http://www.vg.no/rampelys/artikkel.php?artid=10011408
- ↑ http://www.vg.no/musikk/artikkel.php?artid=573529
- ↑ http://e24.no/media/betalte-tur-for-bolivia-jordmor/3836090
- ↑ http://www.bt.no/nyheter/lokalt/--Godt-aa-bli-sett-2498847.html?xtor=RSS-2
Bakgrunnsstoff
endre- Offisiell nettside Arkivert 2021-04-10 ved Wayback Machine.
- Apollo på MySpace
- Yoga Fire si offisielle nettside Arkivert 2016-11-05 ved Wayback Machine.