Jos

Jos, populært kalla J-town, er ein by i Nigeria med om lag 900 000 innbyggjarar (2006). Han er administrativ hovudstad i delstaten Plateau og ligg på Josplatået, 1238 meter over havet.

Jos
by
Land	Nigeria
Fylke	Plateau State
Høgd	1 217 m
Folketal	873 943  (2006)
Jos 9.9333333333333°N 8.8833333333333°E / 9.9333333333333; 8.8833333333333
Kart som viser Jos. Kart som viser Jos.
Wikimedia Commons: Jos

Byen ligg nesten midt i Nigeria, rundt 179 km frå hovudstaden Abuja. Med ei høgd på 1217 moh. har Jos eit meir temperert klima enn mange andre stader i Nigeria. Den månadlege middeltemperaturen ligg typisk mellom 21 og 25 °C. Om vinteren, frå midten av november til januar, kan minimumtemperaturen om natta gå ned til 11 °C.

Jos har veg- og luftsamband med resten av landet, med Yakubu Gowon lufthamn som lokal flyplass. Byen har også ein jernbanestasjon, men ikkje jernbanesamband fordi det nigerianske jernbanenettverket i dag berre går mellom Lagos og Kano.

Universitetet i Jos blei grunnlagd i 1975. Nigerian College of Accountancy, som hadde over 3 000 studentar i 2011, ligg i Dogon-Dutse-delen av byen. Jos University Teaching Hospital (JUTH) og ECWA Evangel Hospital er to av fleire sjukehus i Jos.

Under det britiske kolonistyret var byen eit viktig senter for utvinning av tinn. I 2001, 2008, 2010 og 2011 blei byen ramma av valdelege opptøyar mellom muslimske og kristne befolkningsgrupper i byen. I 2014 blei Jos råka av eit bombeåtak som drap minst 118 menneske på ein marknadsplass og ein busstasjon. Ingen tok på seg skulda, men mange rekna med at Boko Haram stod bak åtaket.

• 
  Marknad i Jos
• 
  Hovudkvarteret til Nasco i Jos.

Kjelder

• Denne artikkelen bygger på «Jos» frå Wikipedia på engelsk, den 30. oktober 2016.
  • Wikipedia på engelsk oppgav desse kjeldene:

«FEDERAL REPUBLIC OF NIGERIA : 2006 Population Census» (PDF). Web.archive.org. Arkivert frå originalen (PDF) March 5, 2012. Henta 22 November 2014. 

«History The College». ANAN. Arkivert frå originalen 11. august 2011. Henta 11. juni 2011. 

«Nigeria violence: 'Boko Haram' kill 27 in village attacks». BBC. BBC. 21 May 2014. Henta 21 May 2014. 

Bakgrunnsstoff

• Jos på nettstaden til delstaten Plateau Arkivert 2011-07-24 ved Wayback Machine.

Denne geografiartikkelen er ei spire. Du kan hjelpe Nynorsk Wikipedia gjennom å utvide han.