Kåre Øvregard
Kåre Øvregard (fødd 19. februar 1933) er ein norsk Ap-politikar, lærar, rådmann og forfattar.
| Kåre Øvregard | |
| Statsborgarskap | Noreg |
| Fødd | 19. februar 1933 (91 år) Jostedal kommune |
| Yrke | politikar |
| Språk | norsk |
| Politisk parti | Arbeidarpartiet |
| Ektefelle | Gunnhild Øvregard |
Øvregard var fødd i Jostedalen, og busett i Gaupne i Luster kommune. Han tok eksamen ved Stord lærarskule 1957, Statens sløyd og tegneskole 1961 og sommarkurs ved NLH 1964. Han var lærar ved Sperle skule 1957-1962 og Gaupne barneskule 1962-1975. Øvregard var varaordførar i Jostedal 1959-1962, i Luster 1965-1967 og han var ordførar i Luster 1975-1977. Han hadde m.a. verv i skulestyre, var leiar i generalplannemnda og var medlem i både den kommunale og fylkeskommunale friluftsnemnda. Øvregard var medlem i Interimsstyret for Norske vasskraftkommunars landssamanslutning 1976-1985. På riksplan har han hatt tillitsverv i styreorgan i Vinmonopolet, og har elles hatt lokale styreverv i Vestlandsbanken. Kåre Øvregard var stortingsrepresentant 1977-1989 og han var rådmann i Luster 1989-1994.
I lokalt organisasjonsarbeid har Øvregard hatt ei rad styreverv i ungdomslag, musikkliv og idrettslag. Han var styremedlem for Arbeidararkiv Sogn og Fjordane frå 1989.
Kåre Øvregard har skrive lokalhistoriske bøker for Luster og ei barnebok.
I 2011 vart Øvregard tildelt kulturprisen til Luster kommune.
Bibliografi
endreBøker
endre- 1991 – Gaupne skule- og ungdomskorps 25-års jubileum (Gaupne: Eige forlag)
- 1996 – Skulen i Luster gjennom 250 år : kulturhistoriske glimt frå skulen sitt arbeid i dei ulike krinsane (Gaupne: Luster kommune). ISBN 82-991182-5-5 I fulltekst ved nb.no [Over tittelen: Den gamle - og så den nye tid]
- 1999 – Stølar og stølsliv i Luster kommune (Leikanger: Skald). ISBN 82-7959-006-4 I fulltekst ved nb.no
- 2003 – Leirdalen - ei perle i Luster : jordbruksbygda Storflaumane frå Brimkjelen Vasskraftutbygginga (Luster: Eige forlag). ISBN 82-996797-0-2
- 2007 – Tiriltunger og brennenesler : ho Brite Moste og andre små soger (Rasta: Forlaget Norske Bøker). ISBN 978-82-8112-085-3
- 2010 – Jostedal kyrkje : fakta, segn og soge gjennom 350 år (Leikanger: Skald). ISBN 978-82-7959-153-5
- 2015 – Bygdene og folket : arbeidarrøsla i Luster i fortid og notid ( Luster Arbeiderparti). ISBN 978-82-303-3101-9 [Boknemnd: Kåre Øvregard, Malvin Moen, Odd Atle Stegegjerdet, Birgit Stegegjerdet Fossen]
I tidsskrift- eit utval
endreStortingskomitéar
endre- 1985–1989 medlem i Kontrollkomitéen
- 1985–1989 varamedlem i Den utvida utanriks- og konstitusjonskomitéen
- 1985–1989 varamedlem i Kontrollkomitéen
- 1985–1989 medlem i Kyrkje- og undervisningskomitéen
- 1985–1989 medlem i Valkomitéen
- 1981–1985 sekretær i Kommunal- og miljøvernkomitéen
- 1981–1985 medlem i Valkomitéen
- 1977–1981 medlem i Landbrukskomitéen
- 1977–1981 varamedlem i Valkomitéen