Kaffeklubben
Kaffeklubben (grønlandsk Inuit Qeqertaat) er den nordlegaste øya i verda. Øya er kring ein kilometer lang, og finst på 83°40'N 29°50'W, 37 km aust for Kapp Morris Jesup utanfor Peary Land på Grønland.
| Kaffeklubben | |||
| øy | |||
 | |||
| Land |  Grønland
| ||
|---|---|---|---|
| Del av | Verdens ytterpunkter, list of islands of Greenland | ||
| Folketal | 0 | ||
 Kaffeklubben 83°39′42″N 30°36′36″W / 83.661666666667°N 30.61°W | |||
| Wikimedia Commons: Kaffeklubben Island | |||
Ho vart oppdaga av Robert Peary i 1900. Den danske Jubilæumsekspeditionen 1921–23 gjekk i land på øya.
Oppdagaren Lauge Koch oppkalla øya etter ein uformell kaffiklubb på Geologisk Museum ved Universitetet i København. Fleire av oppdagarane av øya var med i kaffiklubben.
Ein sandbanke er alt som er lenger nord. Denne heiter Oodaaq, og vart oppdaga i 1978. Ettersom denne ofte blir dekt av hav og havis kan han vanskeleg reknast som ei øy.
Planteliv
endreSjølv om øya ligg langt mot nord, veks fleire plantar der. I tillegg til ulike typar lav, mose og levermose finst også blomsterplantane raudsildre (Saxifraga oppositifolia) og islandsvalmue (Papaver radicatum) der.[1][2][3]
Kjelder
endre- ↑ Arctic Thule. «Kaffeklubben – Top of the World?». Henta 25. oktober 2013.
- ↑ «The Flowers of Kaffeklubben Island». Atlas Obscura.
- ↑ «Greenland 2007 Photos/Videos». Pax Arctica. Arkivert frå originalen 26. august 2014. Henta 23. august 2014.