Karen Sundt

Karen Sundt (23. mai 1841–1. januar 1924) var ein norsk forfattar og journalist. Ho er kjend for sine «folkelege forteljingar som nådde fram til eit elles lite litteraturinteressert publikum». Eilert Sundt var farbror hennar.

Karen Sundt
Statsborgarskap	Noreg
Fødd	23. mai 1841 Farsund kommune
Død	1. januar 1924 (82 år)
Yrke	journalist, skribent, redaktør
Medlem av	Norsk Kvinnesaksforening

Liv og gjerning

Sundt var fødd i Farsund, der faren var skipper, seinare vart han tollbetjent i Langesund og familien flytta dit i 1852. Ho gjekk Sagatun Folkehøyskole i 1873, og levde sidan i mange år som korrespondent og/eller journalist i ymse aviser. Mellom anna leverte ho stoff til Verdens Gang og, medan ho budde i Skien, til bladtiltak i distriktet. I 1886 var ho redaksjonssekretær i Østlandsposten i Larvik.

Frå 1892 var Sundt busett i Kristiania. Ho livnærte seg sidan som forfattar av romanar som i stor grad vart omsett gjennom kolportasje. I sin svært omfattande litterære produksjon tok ho opp tema som vedkom folk i små kår, og med sympati for figurane og deira livssituasjon. Ho skreiv meir røyndomsnært enn mange andre forfattarar av same sjangertype, meiner Willy Dahl.

Ho døydde ugift i hovudstaden.

Kjelder

• Norsk Allkunnebok. X. bandet. 1965