Karl Larsson

For kunstnaren med same namnet, sjå Carl Larsson.

Karl Anton Alfred Larsson (8. mai 1868–16. mai 1952) var ein svensk leiar for Frelsesarmeen.

Karl Larsson
Statsborgarskap	Sverige
Fødd	8. mai 1868 Norra Sandsjö församling
Død	16. mai 1952 (84 år) Sundbybergs församling
Yrke	frelsesoffiser
Verv	Territoriell leiar for Frelsesarmeen i Sverige
Periode	1935-1945
Føregangar	Charles T. Rich
Etterfylgjar	David Wickberg

Liv og virke

Larsson var fødd i Norra Sandsjö församling i Jönköpings län som den eldste av ni sysken. Han var tilsett ved Litograf ab i Jönköping frå 1884 til 1890.

Larsson vart frelsesarmesoldat i 1889, frelsesarmeoffiser i 1890 og kommandør i Frelsesarméen i 1919. I Frelsesarméen arbeidde han mellom anna som leiar i fleire land: i Finland (1912–1918 og 1927–1928), Russland (1918), Tjekkoslovakia (1919–1921), Sør-Amerika (1922–1926), Noreg (1928–1935) og i Sverige (1935–1945). Han var òg ein flittig songdiktar og omsettar av songar.

I 1936 gjorde Sveriges Radio det mogleg for andre trusamfunn enn Svenska kyrkan å halde morgonandakter i radio, og Larsson var ein av dei første til å utnytte dette.

Familie

Karl Larsson gifta seg med songtekstforfattaren Anna Beata Dahlbom i 1897. Han var far til kommandør Sture Larsson, som var leiar for Frelsesarmeen i Noreg frå |969 til 1972, og farfar til den 17. generalen for Frelsesarmeen (verdsleiar), John Larsson. Han var og svigerfar til lyrikaren Flora Larsson, som har gjeve ut seks bøker med «samtale-bøner» - mest kjend er «Et øyeblikk, Herre» (1970).

Bibliografi

• Karl Larsson: Tio år i Ryssland – Ett kapitel ur frälsningsarméns underbara historia, Frälsningsarméns högkvarter, Stockholm 1937. OCLC 82520559.  Om Frelsesarméens arbeid i Russland i perioden 1913–1923. I perioden 1923–1991 var dette arbeidet forbode, men kunne deretter takast opp att.
• Karl Larsson: Under order – Kommendör Karl Larssons minnen, Frälsningsarméns högkvarter, Stockholm 1945–1951. OCLC 57196493.  Sjølvbiografi.
• PÅ ANDRA SIDAN ATLANTEN i Sveriges och Frälsningsarméns tjänst. 1946. Kommendör Larsson rapporterar från det frikyrkliga USA, inte minst från svenskamerikanska bygder.
• TÄND ELDARNA. En samling radiotal. 1941 (Frälsningsarméns Högkvarter).

Salmar

Salmar som Larsson skreiv eller omsette til svensk:

• Låt mig få höra om Jesus, 1904 omsett til svensk av Fanny Crosby sin engelske tekst og gjeve ut i Fribaptistförbundet sitt Barnatoner 1922 (nr 127), i Missionsförbundets Svensk söndagsskolsångbok 1929 (nr 59) og i den økumeniske delen av Frälsningsarméns sångbok, 1986 års psalmbok, Psalmer och Sånger, Segertoner og Cecilia (nr 46).
• Mitt rop nu hör, o Herre kär, omsett frå engelsk til Frälsningsarméns sångbok (nr 359)
• Himmelsk glädje och musik, omsett frå engelsk til Frälsningsarméns sångbok (nr 492)
• O Jesus, din kärlek, Frälsningsarméns sångbok (nr 512)
• Fram över berg, över dal, över bölja, Frälsningsarméns sångbok (nr 610)
• O, låt min tro få vingar, omsett frå engelsk til Frälsningsarméns sångbok (nr 705)