Komsomoletsøya
Komsomoletsøya (russisk остров Комсомолец; Ostrov Komsomolets) er øy i Severnaja Zemlja i Russland. Ho er den den tredje største av øyane og den nordlegaste av dei store øyane i gruppa. Ho er òg den 82. største øya på jorda.
Det nordlegaste punktet på øya heiter Kapp Arktis og er utgangspunkt for mange polekspedisjonar.
Arealet er estimert til 9 006 km². Det høgaste punktet på øya er 780 meter over havet. Om lag 65 % av øya er dekt av isbrear, medan resten hovudsakleg består av laus leirjord og sand. Den største isbreen i Russland ligg på Komsomoletsøya, Vitskapsakademibreen[1], som ligg 819 meter over havet på det høgaste og dekkjer 5 575 km² av øya.[2]
Jordsmonnet på øya består stort sett av laus leirjord og sand og ho er ein tundraørken med spreidd mose og lav.[2]
Øya vart først utforska og namngjeven av ekspedisjonen til Georgij Usjakov og Nikolaj Urvantsev i 1930 - 1932. I trå med dei andre øyane i gruppa kalla dei øya etter hendingar og rørsler frå den russiske revolusjonen i 1917. Denne øya vart kalla opp etter medlemmene i Komsomol, den kommunistiske ungdomsunionen.
Nordvest for Komsomoletsøya ligg nokre småøyar kalla Ostrova Demjana Bednogo.
Det er føreslått å endre namnet på øya til Svjataja Marija (St. Maria).
Bakgrunnsstoff endre
Kjelder endre
- Denne artikkelen bygger på «Komsomolets Island» frå Wikipedia på engelsk, den 12. august 2008.
- Wikipedia på engelsk oppgav desse kjeldene:
- ↑ Bilete av Vitskapsakademibreen, arkivert frå originalen 5. februar 2012, henta 12. august 2008
- ↑ 2,0 2,1 http://www.oceandots.com/arctic/severnaya-zemlya Severnaja Zelmja på oceandots.com