Kotlas

Kotlas (russisk Котлас) er ein by sør i Arkhangelsk oblast i Russland med om lag 60 000 innbyggjarar. Han ligg ved samløpet av elvane Nordre Dvina og Vytsjegda.

Kotlas Котлас
Horisonten til Kotlas
Byvåpenet til Kotlas
Plassering
Styresmakter
Land	Russland
Føderasjonssubjekt	Arkhangelsk oblast
Grunnlagd Bystatus	1890 1917
Borgarmeister	Sergei Melentjev
Geografi
Flatevidd  - By	68 km²
Innbyggjarar  - Totalt (2008)    - folketettleik	59 225   871 /km²
Koordinatar	61°15′00″N 46°39′00″E
Høgd over havet	80 moh.
Tidssone - Ved sommartid	MSK (UTC+3) MSD (UTC+4)
Diverse annan informasjon
Postnummer	165300–165313
Retningsnummer (tlf)	(+7)81837
Nettstad: www.kotlas-city.ru

Byen har ein av dei største papirfabrikkane i Russland og er eit senter for tømmerindustri. I tillegg har han ei viktig elvehamn og er eit jernbaneknutepunkt.

Staden vart grunnlagd i 1890, men det har truleg vore busetnader i området lenge før den tid. Kotlas fekk bystatus i 1917.

Gulag

Frå 1930-talet var Kotlas ein stad for deportasjon av kulakar, som eit senter for skogsindustri. Det vart styrt av Kotlaslag-divisjonen av Gulag. Seinare tok byen imot alle moglege menneske som vart undertrykt og tvangsflytta under Stalin-tida. Det var ein særskild stor polsk folkesetnad i området, med heile polske landsbyar som vart tvangsflytta hit på 1920- og 1930-talet.

Arbeidsleirar eksisterte innanfor byområda fram til 1953. Forutan skogsarbeid og papirindustri arbeidde fangane med bygging av fabrikkar, bustader, bruer og jernbanar. Dei fleste leirane var brakkeleirar utan vakter.

I tillegg var Kotlas ein viktig transittstad for forviste som skulle fraktast lengre nord og aust, sidan byen hadde ein jernbaneterminal.

Bakgrunnsstoff

• Kotlas og GULAG Arkivert 2006-02-13 ved Wayback Machine.

Kjelder

• Denne artikkelen bygger på «Kotlas» frå Wikipedia på bokmål, den 17. januar 2009.