Krokløftbil

Krokløftbil er ein lastebil utstyrt med ei hydraulisk arm med ein krok på enden, som vert nytta for å huka tak i og dra opp konteinarar på chassiset. Lastebilchassiset er utstyrt med feste for konteinarar, slik at dei kan festast forsvarleg under transport. I tillegg til ISO-konteinarar vert krokbilar òg mellom anna nytta til å transportera skrotkonteinarar til/frå byggjeplassar. Føremonen med denne typen bilar er at det går svært snøgt å lasta konteinarane av og på. Arma gjer det dessutan mogleg å koma til konteinarar som står vanskeleg til.

• 
  På denne krokløftbilen i Vologda i Russland er (det oransje) krokløftaggretatet lett synleg.
• 
  Krokløftbil i Hong Kong i Kina.
• 
  Krokløftbil i bydelen Žižkov i Praha i Tsjekkia.
• 
  Semitrailer med krokløftaggregat.

Krokløftbil hukar tak i ein konteinar frå ei jarnbanevogn.