Kurt Jooss

Kurt Jooss (12. januar 1901–22. mai 1979) var ein tysk ballettdansar og koreograf.

Kurt Jooss
Statsborgarskap	Tyskland
Fødd	12. januar 1901 Wasseralfingen
Død	22. mai 1979 (78 år) Heilbronn
Yrke	koreograf, musikkpedagog, dansar, danseinstruktør
Kurt Jooss på Commons

Biografi

Kurt Jooss var fødd i Wasseralfingen. Allereie i ung alder var han interessert i song, musikk og kunst. Han spelte piano og var ein dyktig fotograf. Jooss starta dansekarriera si i 1920 som student hos den nyskapande koreografen Rudolf von Laban.

Jooss grunnla fleire ballettkompanier, blant dei Folkwang Academy i Essen. I koreografien blanda han klassisk ballett med teater. Gjennombrotet var verket Det grøne bordet (1932) i Rolf de Maré sin koreografikonkurranse . Verket gjorde han året før Hitler kom til makta for å vise at han tok avstand frå krig. Han fekk tidleg eit internasjonalt namn, men vart i 1933 tvungen til å flykta frå Nazi-Tyskland med dansegruppa etter at han nekta å avskjediga dei jødiske dansarane.

Ballet Jooss

Dansegruppa flytta til Storbritannia og tok namnet Ballet Jooss. Ensemblet turnerte i Europa og Amerika til ut på 1950-talet. Den norske dansepioneren Gerd Kjølaas studerte hos Jooss og dansa i ensemblet hans i 1946-47.

Jooss vende i 1949 tilbake til Tyskland, der han var aktiv til han pensjonerte seg i 1968. Han døydde etter ei trafikkulykke i 1979.

Kjelder

• Denne artikkelen byggjer på «Kurt Jooss» frå Wikipedia på bokmål, den 10. september 2024.