Gerd Kjølaas
Gerd Kjølaas (22. mai 1909–3. februar 2000) var ein norsk ballettdansar, koreograf og pedagog, kjend som pådrivar for fridans og av Gunnar Brunvoll nemnd som «den norske balletts mor».[1]
| Gerd Kjølaas | |
 | |
| Statsborgarskap | Noreg |
| Fødd | 22. mai 1909 Trondheim |
| Død |
3. februar 2000 (90 år) |
| Yrke | koreograf, dansar, ballettdansar |
| Gerd Kjølaas på Commons | |
Kjølaas var utdanna i Kristiania under Inga Jacobi, i Dresden under Gret Palucca, og ved Royal Academy of Dancing i London, der ho etter kvart studerte hos Kurt Jooss og ensemblet Ballet Jooss, som ho turnerte verda over med (1946–47). I Noreg debuterte ho som dansar og koreograf i heimbyen Trondheim (1931) der ho dreiv eigen frilansskule (1931–36).
Saman med Louise Browne skipa Kjølaas ensemblet Ny Norsk Ballett, som produserte over femti oppsetjingar (1948–54). Saman med Rita Tori førte ho vidare verksemda som Den Norske Ballett (1954–57). Dette ensemblet danna i sin tur grunnlaget for opprettinga av Den Norske Operas ballettensemble (Nasjonalballetten) på 1950-talet.[2]
Koreografi
endreKjølaas laga koreografi for mellom anna Nationaltheatret, Folketeatret og Det Norske Teatret.
Verk i utval
endre- Mot ballade (1945). Basert på eit stykke av Hans E. Kinck. Den fyrste sjølvutvikla oppsetjinga i Noreg, til musikk av Tore Sinding
- Veslefrikk med fela (1953). Den fyrste norske dansefilmen.
- Markisen
- Uredd
- Tyrihans
Bibliografi
endre- Fridans (1946). Fyrste norske dansebok.
- Dans, ropte livet, Eige forlag (1998) ISBN 91-973091-2-5
Prisar og utmerkingar
endreFor sin innsats som dansar og koreograf vart ho tildelt Kongens fortenestemedalje i gull i 1969.[3] og Senter for Dansekunsts ærespris i 1996.[1]
- 1968 Oslo bys kulturstipend
- 1969: Kongens fortenstemedalje i gull
- 1996: Senter for Dansekunsts ærespris
Minnesmerke
endreGerd Kjølaas’ plass utanfor Dansens Hus i Oslo vart i 2014 kalla opp etter Kjølaas.[4]
Kjelder
endre- ↑ 1,0 1,1 Aarnes, Thea Ericson (15. juni 1995), «Senter for Dansekunsts ærespris for 1996 tildeles Gerd Kjølaas», Danseinformasjonen (på norsk bokmål), henta 4. september 2024
- ↑ «Ny Norsk Ballett - Den Norske Ballett», sceneweb.no (på norsk), henta 4. september 2024
- ↑ Kongens fortenestemedalje - tildelingar kongehuset.no [besøkt 10.september 2024]
- ↑ «Gerd Kjølaas' plass – Oslo byleksikon», oslobyleksikon.no, henta 11. september 2024
- Denne artikkelen bygger på «Gerd Kjølaas» frå Wikipedia på bokmål, den 6. mars 2023.
Bakgrunnsstoff
endre- Norsk biografisk leksikon om Gerd Kjølaas
- Gerd Kjølaas i Sceneweb
- Videointervju med Gerd Kjølaas i 1997 danseinfo.no
