Kvitsaum

Kvitsaum er ei form for broderi utført med kvitt garn på kvitt stoff. Tradisjonelt har det blitt utført på kvitt tellelin med lingarn. Teknikken har vore mykje brukt til klede, som skjorter og blusar, kragar, sjal og undertøy. Ein finn han også særleg mykje brukt til dåpsklede, brudeklede og til geistlege klede.

Gutedrakt med kvitsaum (engelsk broderi) frå 1800-talet.

Hedebosaum frå tidleg 1800-tal.

Nokre døme på broderistilar med kvitsaum er hardangersaum, hedebosaum, engelsk broderi, Ayrshire-broderi, Mountmellick-broderi og Richelieu-broderi.

Historie

Kvitsaum har gamle aner både i «den gamle» og «den nye verda». Teknikken nådde eit høgdepunkt på 1400- og 1500-talet i Italia. Her blei det skapt nye variantar av utskorsaum, som i reticellabroderiet. Dei tidlege mønstera var geometriske og følgde strukturen til vevnaden. Folkelege variantar av reticellasaum finn ein mellom anna i norsk hardangersaum og dansk hedebosaum.

Sjå òg

• Blonder

Bakgrunnsstoff

Commons har multimedium som gjeld: Kvitsaum

Denne tekstilartikkelen er ei spire. Du kan hjelpe Nynorsk Wikipedia gjennom å utvide han.