Lake Ellsworth
Lake Ellsworth er ein subglasial innsjø som ligg i Vest-Antarktis under kring 3,4 km med is. Han er kring 10 km lang og er estimert å vere 150 meter djup.[1] Innsjøen er kalla opp etter den amerikanske oppdagaren Lincoln Ellsworth.
| Lake Ellsworth | |||
| innsjø | |||
| Land |  Antarktis
| ||
|---|---|---|---|
| Stad | Ellsworth Land | ||
| - koordinatar | 79°S 91°W / 79°S 91°W | ||
| Lengd | 10 km | ||
| Areal | 30 km² | ||
| Type | subglasial | ||
| Administrert under | Antarktistraktaten | ||
 Lake Ellsworth 79°S 91°W / 79°S 91°W | |||
  Lake Ellsworth (Antarktis)
| |||
Utforsking
endreLake Ellsworth vart oppdaga i 1996 av den britiske forskaren Martin Siegert[2] og er ein av 387 kjende subglasiale innsjøar i Antarktis. Han er ein av dei subglasiale innsjøane som vert forska på fordi ein spekulerer at mikrobar kan ha utvikla seg i dei unike habitata i dei subglasiale sjøane i Antarktis etter ein halv million år i isolasjon.[3] [4] Livet i slike innsjøar må tilpasse seg totalt mørkre, låge næringsnivå, høgt vasstrykk og isolasjon frå atmosfæren. Subglasiale sjøar er derfor unike biologiske habitat. Innsjøen er i flytande tilstand under isen fordi trykket frå den mange tusenmeter tjukke isen over fører frysepunktet til vatnet nedover.[4]
Den 2. mars 2009 gav britiske Natural Environment Research Council ei gruppe britiske forskarar løyve til å bore ned til denne innsjøen i desember 2012. Borninga vart overvaka av Scientific Committee on Antarctic Research frå Det internasjonale vitskapsrådet.[5] Det britiske laget brukte 16 år på å utvikle teknologien til å utforske innsjøen ved hjelp av metodar som ikkje vil forureine vatnet kjemisk eller biologisk.[6] Forskarane nytta varmt vatn til å bore eit borehol som er 36 centimeter breitt ned til isen i innsjøen, så vil ein sonde sendast ned for å hente sediment og analysere vatnet for mikroorganismar.[4][7] Dette er ein test for å avgjere om liv kan oppstå i ekstremt trykk, kulde og næringsfattige miljø. Om gruppa ikkje finn liv, vil det syne at det finst ei grense for kvar det finst vatn og ikkje liv.[6]
Sjå òg
endreKjelder
endre- Denne artikkelen bygger på «Lake Ellsworth» frå Wikipedia på engelsk, den 23. februar 2014.
- Wikipedia på engelsk oppgav desse kjeldene:
- ↑ Siegert, Martin J. (2004). «Subglacial Lake Ellsworth: A candidate for in situ exploration in West Antarctica». Geophysical Research Letters 31 (23): L23403. Bibcode:2004GeoRL..3123403S. doi:10.1029/2004GL021477.
- ↑ Evidence of Lake Ellsworth (1996)
- ↑ Siegert, Martin J. og Lake Ellsworth Consortium, «Exploration of Subglacial Lake Ellsworth», Poster, University of Bristol, September 2004
- ↑ 4,0 4,1 4,2 februar 2014/Antarctic-researchers-seek-life-in-lake-2-miles-under-ice.html Antarctic Researchers Seek Life in Lake 2 Miles Under Ice. av Alex Morales. September 7, 2012
- ↑ SALE plan for subglasial innsjø exploration
- ↑ 6,0 6,1 Search for Life i Antarctic's Ice-Covered Lake Takes Off.[daud lenkje] av Trevor Stokes, 7. september 2012
- ↑ «Final frontier: mission to explore buried ancient Antarctic lake given green light». Natural Environment Research Council (NERC). 2. mars 2009. Arkivert frå originalen 15. oktober 2011. Henta 31. januar 2014.
Bakgrunnsstoff
endre- The Exploration of Subglacial Lake Ellsworth - The University of Edinburgh.
- Mal:PDF
- Woodward, J., A. M. Smith, N. Ross, M. Thoma, H. F. J. Corr, E. C. King, M. A. King, K. Grosfeld, M. Tranter, and M. J. Siegert (2010), Location for direct access to subglacial Lake Ellsworth: An assessment of geophysical data and modeling Arkivert 2012-03-21 ved Wayback Machine., Geophysical Research Letters, 37, L11501, doi:10.1029/2010GL042884