Lassi

Lassi er ein tradisjonell indisk jogurtdrikk som er spesielt leskande på varme dagar. Den opphavlege drikken vert laga ved at ein blandar jogurt, vatn, salt og krydder til ein skummande drikk. I nyare tid har ein òg laga søt lassi, som kan ha tilsett sukker, rosevatn eller fruktjusar frå til dømes mango eller sitafrukt.

Salt lassi.

Oppskrifter

Salt lassi

• 1 liter jogurt
• 750 ml kaldt vatn
• 250 ml knust is (kan droppast)
• 3 ss lime- eller sitronjus
• Hakka fersk grøn chili, etter smak
• 1 ts rista og malen spisskummen
• 2 ts salt

• evt. 1 ts peppermynte i staden for chili

Søt (mithi) lassi

• 1 liter jogurt
• 750 ml kaldt vatn
• 250 ml knust is (kan droppast)
• 6 ss sukker eller honning
• 1 ss rosevatn
• 1/4 ts male kardemomme