Lassi Parkkinen
Lauri Rikhard Parkkinen (8. mai 1917–3. oktober 1994), kjend som Lassi Parkkinen, var ein finsk skeiseløpar frå Varkaus. Han vart verdsmeister i 1947 og vart nummer to på 10 000 meter under Vinter-OL 1948, og i skeise-VM 1952.
| Lassi Parkkinen | |
 | |
| Statsborgarskap | Finland |
| Fødd | 8. mai 1917 Varkaus |
| Død |
3. oktober 1994 (77 år) |
| Yrke | skøyteløpar, boballspiller |
| Høgd | 178 centimeter |
| Lassi Parkkinen på Commons | |
Parkkinen deltok i verdsmeisterskapen på skeiser både i 1938 og -39, utan å utmerke seg. Ved VM 1947 i Oslo viste han seg derimot som den jamnaste deltakaren, og vann laurbærkransen framom norske Sverre Farstad. Under dei olympiske vinterleikane 1948 i St. Moritz vart han fjerdemann på 1500 meter, før han sikra seg sølvmedaljen på 10 000 meter.
Under Vinter-OL 1952 i Oslo gjorde Parkkinen sitt beste løp på 1500 m, der han enda på sjetteplassen. Ei veke etter Oslo-leikane var over, tok han andreplassen etter Hjalmar Andersen då verdsmeisterskapen gjekk av stabelen fyrste helga i mars.
Parkkinen vart finsk meister fem gongar; 1941, 1943, 1944, 1946 og 1952. Han deltok internasjonalt til 1953.
Kjelder
endre- Denne artikkelen bygger på «Lassi Parkkinen» frå Wikipedia på nederlandsk, den 15. november 2016.