Leni Stenseth
Leni Stenseth (fødd 17. februar 1969 i Trondheim) er ein norsk diplomat. Ho var den norske ambassadøren i Libanon i 2019–2020, og assisterande generalsekretær i SN og visegeneralkommissær for SNs hjelpeorganisasjon for palestinske flyktningar i Midtausten (UNRWA) 2020–2023.[1] I 2023 blei ho ekspedisjonssjef i Utanriksdepartementet, der ho leiar Avdeling for kompetanse og ressurser.[2]
| Leni Stenseth | |
| Statsborgarskap | Noreg |
| Fødd | 17. februar 1969 (55 år) |
| Yrke | diplomat |
Stenseth blei utdanna cand.polit. i statsvitskap med hovudoppgåve om kinesisk nasjonalisme og utanrikspolitikk ved Universitetet i Oslo i 1999, jobba nærmare eitt år som forskar ved Fafo og byrja i utanrikstenesta i 2000. Ho arbeidde i internasjonal avdeling i Norges Røde Kors frå 2008 til 2013, fyrst som programsjef og frå 2011 som leiar for avdelinga. Deretter vende ho tilbake til utanrikstenesta.[3]
Kjelder
endre- ↑ «Leni Stenseth appointed deputy commissioner-general of the United Nations Relief and Works Agency for Palestine Refugees in the Near East». Henta 4. desember 2023.
- ↑ «Flere nye utnevnelser i Utenriksdepartementet». Altinget. Henta 4. desember 2023.
- ↑ «Leni Stenseth». Store norske leksikon. Henta 4. desember 2023.
- Denne artikkelen bygger på «Leni Stenseth» frå Wikipedia på bokmål, den 20. mars 2024.