Wikipedia

Let the Good Times Roll av Louis Jordan

Let the Good Times Roll
Singel av Louis Jordan and His Tympany Five
B-side

Ain't Nobody Here but Us Chickens

Utgjeve 1946
Innspelt New York City, 26. juni 1946
Sjanger Jump blues
Lengd 2:45
Selskap Decca
Tekstforfattar Sam Theard
Låtskrivar(ar) Sam Theard, Fleecie Moore

«'Let the Good Times Roll'» er ein jump blues-låt spelt inn i 1946 av Louis Jordan og hans Tympany Five. Songen er ein tolvtaktars blues i middels tempo og vart ein bluesstandard og ein av dei mest kjende songane til Jordan.[1]

Komposisjon

endre

«Let the Good Times Roll» er «Louis Jordan sin sprudlande festinvitasjon»:[2]

Hey everybody, let's have some fun
You only live but once, and when you're dead you're done
So let the good times roll, let the good times roll
Don't care if you're young or old, get together let the good times roll

Songen vart skriven av Sam Theard, ein New Orleans-fødd bluessongar og låtskrivar,[3] og vart medkredittert til Fleecie Moore, kona til Jordan.[4] Theard viste Jordan songen første gongen i 1942, medan han spelte på klubbar i Chicago. Melodien utvikla seg gjennom åra, heilt til Jordan spelte han inn i New York City i juni 1946.[3]

Hitlister og anerkjenning

endre

«Let the Good Times Roll» nådde andreplassen på Billboard R&B Chart i 1947. Baksida, «Ain't Nobody Here but Us Chickens», vart den beste nummer ein-plata i 1947 – begge låtane låg nesten seks månader på lista.[5] I 2009 vart songen anerkjend med ein Grammy Hall of Fame Award.[6] Jordan og Tympany Five framførte songen i filmen Reet, Petite, and Gone frå 1947, sjølv om det er studioinnspelinga og ikkje ein liveopptreden som er brukt i filmen.

Blues Foundation innlemma songen i sin Hall of Fame i 2013 i kategorien «Classic of Blues Recording - Singles or Album Tracks».[2] I kunngjeringa om innlemminga heiter det at songen «vart ein standard showopnar for tallause bluesartistar gjennom åra, frå B.B. King til Koko Taylor».[2] «Let the Good Times Roll» har òg vorte identifisert som inspirasjonskjelde til «Come On» av Earl King[7] og «Bon Ton Roulet» av Clifton Chenier.[8]

Kjelder

endre
  1. ↑ Herzhaft, Gerard (1992). «Let the Good Times Roll». Encyclopedia of the Blues. Fayetteville, Arkansas: University of Arkansas Press. s. 458. ISBN 1-55728-252-8. 
  2. ↑ 2,0 2,1 2,2 Blues Foundation (10. november 2016). «2013 Hall of Fame Inductees: «Let the Good Times Roll» - Louis Jordan (Decca, 1946)». The Blues Foundation. Henta 5. september 2019. 
  3. ↑ 3,0 3,1 Chilton, John (1997). Let the Good Times Roll: The Story of Louis Jordan and His Music (1st. paperback utg.). Ann Arbor, Michigan: University of Michigan Press. s. 128–129. ISBN 0-472-08478-X. 
  4. ↑ Fleecie Moore, Jordans kones namn, vart nokre gonger bytt ut med Jordans for å omgå ein ulagleg forlagskontrakt; denne strategien slo feil då Louis og Fleecie skilde seg bittert, og ho beheldt eigarskapen til songane han hadde sett namnet sitt på - og dermed nekta han inntekter frå dei. Chilton (1997). s. 110.
  5. ↑ Whitburn, Joel (1988). «Louis Jordan». Top R&B Singles 1942-1988. Menomonee Falls, Wisconsin: Record Research. s. 229. ISBN 0-89820-068-7. 
  6. ↑ «Grammy Hall of Fame - «Let the Good Times Roll», Louis Jordan And His Tympany Five». The Recording Academy. 2009. Henta 5. september 2019. 
  7. ↑ Perry, John (2004). 33⅓ Electric Ladyland. Continuum International Publishing. s. 86-87. ISBN 0-8264-1571-7. 
  8. ↑ Strachwitz, Chris (1967). Bon Ton Roulet (Album notes). Clifton Chenier. Berkeley, California: Arhoolie Records. Back cover. F1031. 


Henta frå «https://nn.wikipedia.org/w/index.php?title=Let_the_Good_Times_Roll_av_Louis_Jordan&oldid=3494128»